ତରଭା : ସୁବର୍ଣ୍ଣପୁର ଜିଲ୍ଲା ତରଭା ପୋଲିସ ଦ୍ୱାରା 15 କେଜି ଗଞ୍ଜେଇ ଜବତ କରାଯିବ ସହ ଜଣେ ବ୍ୟକ୍ତିକୁ ଗିରଫ କରି କୋର୍ଟ ଚାଲାଣ କରାଯାଇଛି I ପ୍ରାପ୍ତ ସୂଚନା ଅନୁସାରେ ତରଭା ଥାନା ଅନ୍ତର୍ଗତ ସିଲାଟିମୁଣ୍ଡା ଗ୍ରାମର ହିରାଧାର ସାହୁ(50) ଗଞ୍ଜେଇ କାରବାରରେ ଲିପ୍ତ ଥିବା ପୋଲିସ ଖବର ପାଇଥିଲା I ତେବେ ଗତକାଲି ରାତ୍ରି ପ୍ରାୟ ଘ ୮.୩୦ମି.ସମୟରେ ତରଭା ପୋଲିସ ଏସଆଇ ଆରତୀ କହଁର ଙ୍କ ସହ ପୋଲିସର ଏକ ଟିମ ଚଢ଼ାଉ କରିବା ବେଳେ ଅଭିଯୁକ୍ତ ହିରାଧର ସାହୁଙ୍କ ସିଲାଟିମୁଣ୍ଡା ଗ୍ରାମ ପୋଖରୀ ପାଖରେ ଥିବା ବିଲର ପାଳ ତଳେ ଗଞ୍ଜେଇ ଲୁଚେଇ ରଖିଥିବା ଜାଣିବାକୁ ପାଇଥିବା ସହ ଉକ୍ତ ଗଞ୍ଜେଇ ଜବତ କରିଥିଲା I ଜବତ ଗଞ୍ଜେଇର ଓଜନ 15 କେଜି ହେବ ବୋଲି ଜଣାପଡିଛି I ପୋଲିସ ଉକ୍ତ ଗଞ୍ଜେଇ ଜବତ କରିବା ସହ ଅଭିଯୁକ୍ତ କୁ ଗିରଫ କରିଥିଲା I ଏ ସଂକ୍ରାନ୍ତରେ ତରଭା ଥାନା କେସ ନମ୍ବର 203/21ରେ ମାମଲା ରୁଜୁ କରାଯିବା ସହ ଅଭିଯୁକ୍ତ କୁ ଆଜି କୋର୍ଟ ଚାଲାଣ କରାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି I ଏହି ଚଢ଼ାଉ ବେଳେ ଏସଆଇ ଆରତୀ କହଁର ଙ୍କ ସମେତ ତରଭା ଥାନାରେ କାର୍ଯ୍ୟରତ ହାବିଲଦାର ବୃନ୍ଦାବନ ପଞ୍ଚବିହାର,କନେଷ୍ଟବଲ ଉମେଶ ଚନ୍ଦ୍ର ନାଗ,ହୃଷିକେଶ ମହାଲିଙ୍ଗ, କବିରାଜ କହଁର ପ୍ରମୁଖ ସାମିଲ ରହିଥିଲେ I
