ତରଭା : ଗତ ଗୁରୁବାର ସକାଳୁ ତରଭା ଥାନା ଅଧିନସ୍ଥ ମେଣ୍ଡା ଫାଣ୍ଡି ଅନ୍ତର୍ଗତ ପାଇକବାହାଲ ଗ୍ରାମର ନାମ ମଣ୍ଡପରୁ ତରଭା ପୋଲିସ ଏକ ମୄତ ଦେହ ଉଦ୍ଧାର କରିଥିଲା । ମୃତକ ବ୍ଯକ୍ତି ଜଣକ ନିକଟସ୍ଥ ପୁଆ ଗ୍ରାମର ନବୀନ ସେଠ୍ (୪୭) ବୋଲି ଜଣାପଡ଼ିଥିଲା । ତାଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ ଆଣିଥିଲେ I ଏ ସଂକ୍ରାନ୍ତରେ ତରଭା ଥାନାରେ କେସ ନମ୍ବର 202/21 ରେ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଥିଲା I ତେବେ ପୋଲିସ ହତ୍ୟା ଅଭିଯୋଗରେ ପାଇକବାହାଲ ଗ୍ରାମର ଦୁଇଜଣ ବ୍ୟକ୍ତିଙ୍କୁ ଗିରଫ କରିଛି I ଗିରଫ ବ୍ୟକ୍ତି ଦ୍ବୟ ହେଲେ ନନ୍ଦୀ ଜାଲ ଯାହାଙ୍କର ବୟସ 28 ଏବଂ ଧରଣୀ ଜାଲ ଯାହାଙ୍କର ବୟସ 24 ବର୍ଷ ବୋଲି ଜଣାପଡିଛି I ମୃତକଙ୍କୁ ଅଭିଯୁକ୍ତଦ୍ବୟ ଠେଙ୍ଗାବାଡି ସାହାଯ୍ୟରେ ପ୍ରବଳ ମାଡ ମାରିଥିବାରୁ ତାଙ୍କର ମୃତ୍ୟୁ ହୋଇଥିବା ଜଣାଯାଇଛି I ତରଭା ପୋଲିସ ପକ୍ଷରୁ ଅଭିଯୁକ୍ତ ଦ୍ଵୟଙ୍କ ମେଡିସିଲ କରାଯାଇଛି I ତାଙ୍କୁ କୋର୍ଟ ଚାଲାଣ କରାଯାଇଥିବା ତରଭା ପୋଲିସ ପକ୍ଷରୁ ସୂଚନା ପ୍ରଦାନ କରାଯାଇଛି I
