ତରଭା : ସୁବର୍ଣ୍ଣପୁର ଜିଲ୍ଲା ତରଭା ଥାନା ଅନ୍ତର୍ଗତ କମସରା ଫାଣ୍ଡି ପୋଲିସ ଦ୍ୱାରା 30 ଲିଟର ଦେଶୀମଦ ସହ ଜଣେ ଗିରଫ କରି କୋର୍ଟ ଚାଲାଣ କରାଯାଇଛି I ମିଳିଥିବା ସୂଚନା ଅନୁସାରେ କୌଣସି ସୂତ୍ର ରୁ ଖବର ପାଇଁ କମସରା ଫାଣ୍ଡି ଅଧିକାରୀ ଅରକ୍ଷିତ ମାଝୀ ତାଙ୍କ କିଛି ସହଯୋଗୀଙ୍କ ସହ ଦୁବୁଲା ଗ୍ରାମ ଛକ ନିକଟରେ ଦେଶୀ ମଦ ଚୋରା ଚାଲାଣ କରୁଥିବା ଜଣେ ବ୍ୟକ୍ତି କୁ ଗିରଫ କରିଛନ୍ତି I ଗିରଫ ବ୍ୟକ୍ତି ଜଣକ ତରଭା ଥାନା ଅଧିନସ୍ଥ ଅନ୍ତଡା ଗ୍ରାମର ଘନଶ୍ୟାମ କଲତା ବୋଲି ଜଣାପଡିଛି I ତାଙ୍କଠାରୁ 30 ଲିଟର ଦେଶୀମଦ ସହ ଗୋଟିଏ ବାଜାଜ ସିଟି 100 ଯାହାର ନମ୍ବର ହେଉଛି ଓଡି 31ବି 5947 କୁ ଜବତ କରାଯାଇଛି I ଏ ସଂକ୍ରାନ୍ତରେ ତରଭା ଥାନା କେସ ନମ୍ବର 213/21 ରେ ମାମଲା ରୁଜୁ ହେବ ସହ ଅଭିଯୁକ୍ତ କୁ କୋର୍ଟ ଚାଲାଣ କରାଯାଇଥିବା ତରଭା ପୋଲିସ ଦ୍ୱାରା ସୂଚନା ପ୍ରଦାନ କରାଯାଇଛି I
