ତରଭା : ସୁବର୍ଣ୍ଣପୁର ଜିଲ୍ଲା ତରଭା ସ୍ଥିତ ବିଶ୍ୱ ପ୍ରସିଦ୍ଧ ଅବଦୁଲ ସକୁର ସାହ ଓରଫ ଫକିର ବାବାଙ୍କ ମସଜିଦ ପରିସର ରେ ଆଜି ମୁସଲମାନ ସମ୍ପ୍ରଦାୟ ତରଫରୁ ମହମ୍ମଦ ଜୟନ୍ତୀ ପାଳିତ ହୋଇଯାଇଛି I ଏହାକୁ ନେଇ ଏକ ଶୋଭାଯାତ୍ରା ମସଜିଦ ପରିସରରୁ ବାହାରି ତରଭା ଥାନା ସଂମୁଖ ଗଳି ରାସ୍ତା ଦେଇ ପୁନଃ ମସଜିଦ ପର୍ଯ୍ୟନ୍ତ ପହଞ୍ଚିଥିଲା I ସେଠାରେ ଉପସ୍ଥିତ ଶ୍ରଦ୍ଧାଳୁ ମସଜିଦ ପ୍ରବେଶ ଦ୍ୱାର ଆଗରେ ଫାତିଆ ଅର୍ଥାତ ପ୍ରାଥନା କରିଥିଲେ I ଫାତିଆ ସମୟରେ ଏ ଦୁନିଆରୁ କରୋନା ମହାମାରୀ ଦୂର ହୋଇଯିବା, ସମସ୍ତେ ମିଳିମିଶି ପରସ୍ପର ମଧ୍ୟରେ ଭାଇଚାରା ରକ୍ଷା କରିବା,ସମସ୍ତେ ସୁଖ ଶାନ୍ତିରେ ଜୀବନ ଜାପନ କରିବା ଇତ୍ୟାଦି ଦୁଆ କରାଯାଇଥିଲା I ମହମ୍ମଦ ଜୟନ୍ତୀ ଅବସରରେ ଏକ ପତାକା ଉତ୍ତୋଳନ କରାଯାଇ ପୂଜାର୍ଚ୍ଚନା କରାଯାଇଥିଲା I ପରେ ସେହି ପତାକା କୁ ବିଭିନ୍ନ ଘର ଘର ବୁଲାଯାଇ ପୂଜାର୍ଚ୍ଚନା ହୋଇଥିଲା I ଏହି ସମସ୍ତ କାର୍ଯକ୍ରମରେ ମସଜିଦ ମଜାର କମିଟୀ ସଦସ୍ୟଙ୍କ ପ୍ରତକ୍ଷ ତତ୍ତ୍ୱାବଧାନ ରେ ଶାନ୍ତିପୂର୍ଣ୍ଣ ଭାବେ ସମ୍ପର୍ଣ୍ଣ ହୋଇଥିଲା I
