ତରଭା : ଭାରତ ସ୍କାଉଟ ଗାଇଡ ପକ୍ଷରୁ ଆସନ୍ତା ନଭେମ୍ବର 22 ତାରିଖ ସରକାରୀ ବାଳକ ବିଦ୍ୟାଳୟ ତରଭା ଠାରେ ହେବାକୁ ଥିବା ରକ୍ତଦାନ ଶିବିର ପାଇଁ ଆଜି ତରଭା ବଳକା ଉଚ୍ଚ ବିଦ୍ୟାଳୟ ପରିସରରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି I ଏଥିରେ ଭାରପ୍ରାପ୍ତ ପ୍ରଧାନ ଶିକ୍ଷକ ସୁରଜ କୁମାର ସେଠି ଙ୍କ ଅଧ୍ୟକ୍ଷତାରେ ଅତିରିକ୍ତ ବ୍ଲକ ଶିକ୍ଷା ଅଧିକାରୀ ଭୁବନେଶ୍ୱର ଦାସ , ଜିଲ୍ଲା କ୍ରୀଡା ନିରୀକ୍ଷକ ଦୁର୍ଯୋଧନ ରାଉତ ମଂଚାସୀନ ରହିଥିଲେ I ଏହି ପ୍ରସ୍ତୁତି ବୈଠକ ବ୍ଲକରେ ଥିବା ସମସ୍ତ ସ୍କୁଲର ପ୍ରଧାନ ଶିକ୍ଷକ ଶିକ୍ଷୟତ୍ରୀ ସିଆରସିସି ମାନେ ଯୋଗଦାନ କରିଥିଲେ I ଆସନ୍ତା ନଭେମ୍ବର 22 ଏହି ଶିବିର ରେ କିପରି ଭାବରେ ଅଧିକରୁ ଅଧିକ ରକ୍ତ ସଂଗ୍ରହ କରାଯିବ ସେ ନେଇ ବୈଠକ ରେ ଆଲୋଚନା ହୋଇଥିଲା I ଶିବିରରେ ସ୍ଥାନୀୟ ଜନସାଧାରଣ ମଧ୍ୟ ଯୋଗଦେଇ ରକ୍ତଦାନ କରିପାରିବେ I ଏଥିପାଇଁ ବିଭିନ୍ନ ଗଣମାଧ୍ୟମ ସୋସିଆଲ ମିଡ଼ିଆ ମାଧ୍ୟମରେ ଏହାର ପ୍ରଚାର ପ୍ରସାର କରିବାପାଇଁ ଏବିଇଓ ଶ୍ରୀ ଦାସ ମତବ୍ୟକ୍ତ କରିଥିଲେ I ସଭା ଶେଷରେ ଶିକ୍ଷକ ସତ୍ୟବ୍ରତ ମିଶ୍ର ଧନ୍ୟବାଦ ଅର୍ପଣ କରିଥିଲେ I
ଭାରତୀୟ ସ୍କାଉଟ ଗାଇଡ ପକ୍ଷରୁ ରକ୍ତଦାନ ଶିବିର ପାଇଁ ପ୍ରସ୍ତୁତି ବୈଠକ
