ସୁବର୍ଣ୍ଣପୁର : ଆଜି ସୁବର୍ଣ୍ଣପୁର ଜିଲ୍ଲା ବିନିକା ଏବଂ ଡୁଙ୍ଗୁରିପାଲି ଠାରେ ଖୋଲିଲା ଧାନମଣ୍ଡି I ସୁବର୍ଣ୍ଣପୁର ଜିଲ୍ଲାପାଳ ଅବୋଲି ସୁନୀଲ ନରଭଣେ ମୁଖ୍ୟଅତିଥି ଭାବେ ଯୋଗଦାନ କରି ଆନୁଷ୍ଠାନିକ ଭାବେ ଏହାର ଉଦଘାଟନ କରିଥଲେ I ଆଜିଠାରୁ ନିୟମିତ ଭାବେ ଚାଷୀମାନଙ୍କ ଧାନ କିଣା ଆରମ୍ଭ ହୋଇଯାଇଛି I ପ୍ରଥମ କରି ଆଜି ଡୁଙ୍ଗୁରିପାଲି ଆରଏମସି ପରିସରରେ ଚାଷୀ ରାଜକୁମାର ଦଣ୍ଡସେନା, ଅଜିତ ବେହେରା ଧାନ ବିକ୍ରି କରିଥିଲେ I ଏହି ଉଦଘାଟନ ଉତ୍ସବରେ ଜିଲ୍ଲାପାଳ ଅବୋଲି ସୁନୀଲ ନରଭଣେଙ୍କ ସମେତ ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲ୍ଲାପାଳ ସୁର୍ଯ ନାରାୟଣ ଦାସ,ଉପଜିଲ୍ଲାପାଳ ନିହାର ରଞ୍ଜନ କହଁର,ଜିଲ୍ଲା ଯୋଗାଣ ଅଧିକାରୀ ସୁରେଶ ଚନ୍ଦ୍ର ପାଣିଗ୍ରାହୀ,ଅତିରିକ୍ତ ଯୋଗାଣ ଅଧିକାରୀ ତ୍ରିନାଥ ଭୋଇ,ଏଆରସିଏସ କାଁହୁ ଚରଣ ସାହୁ,ବିଡ଼ିଓ ତ୍ରିପୁର ମହାନନ୍ଦ ପ୍ରମୁଖ ଯୋଗଦାନ କରିଥିଲେ I ଧାନ କିଣାରେ ସ୍ୱଚ୍ଛତା ଆଣିବା, ଚାଷୀମାନଙ୍କୁ ସବୁ ପ୍ରକାରର ସୁବିଧା ଯୋଗାଇଦେବା ନେଇ ଡୁଙ୍ଗୁଇପାଲି ଚାଷୀ ସଙ୍ଗଠନ ପକ୍ଷରୁ ଜିଲ୍ଲାପାଳଙ୍କୁ ଅନୁରୋଧ କରାଯାଇଥିଲା I
