ତରଭା : ମଣ୍ଡିରୁ ଉଠୁନି ଧାନ, ଜିଲ୍ଲାପାଳଙ୍କୁ ଅଭିଯୋଗ କଲା ତରଭା ଆଞ୍ଚଳିକ କୃଷକ ସଂଗଠନ I ଆଜି ସୁବର୍ଣ୍ଣପୁର ଜିଲ୍ଲାପାଳ ଅବୋଲି ସୁନୀଲ ନର୍ଭଣେ ତରଭା ଗସ୍ତରେ ଆସିଥିଲେ I ବ୍ଲକ କାର୍ଯାଳୟ ପରିସରରେ ଆଞ୍ଚଳିକ କୃଷକ ସଂଗଠନ ତରଭା ସଭାପତି ସଦାନନ୍ଦ ପାଣିଗ୍ରାହୀ, ଭୋଲା କୁମାର ବର୍ମା,ଭବାନୀ ଶଙ୍କର ମିଶ୍ର,ଶିବ ପ୍ରସାଦ ସାହୁଙ୍କ ଚାରିଜଣିଆ ଟିମ ଜିଲ୍ଲାପାଳଙ୍କୁ ସାକ୍ଷାତ କରି ଚାଷୀଙ୍କ ସମସ୍ୟା ଉପରେ ଅବଗତ କରାଇଛନ୍ତି I ଗତ ପାଞ୍ଚଦିନ ହେବ ତରଭା ବ୍ଲକରେ ଥିବା ସମସ୍ତ ଧାନମଣ୍ଡି ଖୋଲିବାପରେ ମଧ୍ୟ ଅଚଳାବସ୍ଥା ଲାଗିରହିଛି I ମିଲର ଏବଂ ପ୍ରଶାସନିକ ଅଧିକାରୀଙ୍କ ମଧୁଚନ୍ଦ୍ରିକା ଯୋଗୁଁ ମଣ୍ଡିରୁ ଧାନ ଉଠୁନଥିବା ଅଭିଯୋଗ କରିଛି ଚାଷୀ ସଂଗଠନ I ଜିଲ୍ଲାପାଳ ମଣ୍ଡି ଖୋଲାଯାଇ ଧାନ କିଣା ଚାଲିଥିବା ପ୍ରକାଶ କରିଥିବା ବେଳେ ଅପର ପକ୍ଷରେ ଗ୍ରାଉଣ୍ଡ ଜ଼ିରୋ କୁ ଯାଇ ଦେଖିଲେ ସତ୍ୟାସତ୍ୟ ଜଣାପାରିବେ ବୋଲି ଆଞ୍ଚଳିକ କୃଷକ ସଙ୍ଗଠନ ପକ୍ଷରୁ ଜିଲ୍ଲାପାଳଙ୍କୁ ଅଭିଯୋଗ କରାଯାଇଥିଲା I ତେବେ ଜିଲ୍ଲାପାଳ ତୁରନ୍ତ ଏ ଦିଗରେ ଧ୍ୟାନ ଦିଆଯିବ ବୋଲି କହିଥିବା ସଂଗଠନ ପକ୍ଷରୁ କୁହାଯାଇଛି I
