ରବିବାର ସନ୍ଧ୍ୟାରେ ତରଭା ଥାନାରେ କାର୍ଯ୍ୟରତ ଆଇଆଇସି ନିରଞ୍ଜନ ଦାସ ଙ୍କୁ ବିଦାୟ କାଳିନ ସମ୍ବର୍ଦ୍ଧନା ଦେବା ସହ ନୂତନ ଭାବେ ଯୋଗଦାନ କରିଥିବା ଆଇଆଇସି ସୁବ୍ରତ ପାଣିଗ୍ରାହୀଙ୍କୁ ସ୍ୱାଗତ କରାଯାଇଛି I ଏହାକୁ ନେଇ ଏକ ସଭାର ଆୟୋଜନ କରାଯାଇଥିଲା ଯେଉଁଥିରେ ତରଭାର ବହୁ ଗଣମାନ୍ୟ ବ୍ୟକ୍ତି ଅଂଶଗ୍ରହଣ କରିଥିଲେ I ଉଭୟ ଥାନାଧିକାରୀ ଙ୍କୁ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା I ଶ୍ରୀ ଦାସ ଦୀର୍ଘ ସାତମାସ ଧରି ତରଭାର କାର୍ଯ୍ୟରତ ଥିଲେ I ତାଙ୍କ ସମୟରେ ନିଜ ଦାୟିତ୍ୱ କୁ ସୁଚାରୁ ରୂପେ ସମ୍ପାଦନା କରିଥିବା ନେଇ ଉପସ୍ଥିତ ବ୍ୟକ୍ତି ବିଶେଷ ବ୍ୟକ୍ତବ୍ୟ ମାଧ୍ୟମରେ ପ୍ରକାଶ କରିଥିଲେ I ସେହିପରି ଆଇଆଇସି ସୁବ୍ରତ ପାଣିଗ୍ରାହୀଙ୍କୁ ସ୍ୱାଗତ କରିବା ସହିତ ତରଭାରେ ଶାନ୍ତି ଶୃଙ୍ଖଳା ବଜାୟ ରଖିବା,ପୋଲିସ ଜନତା ମଧ୍ୟରେ ସୁସମ୍ପର୍କ ସ୍ଥାପନ କରିବା,ଆମ ପୋଲିସ କାର୍ଯକ୍ରମ ପୁନଃ ଆରମ୍ଭା କରିବା ଆଦି ବିଷୟରେ ଆଲୋଚନା କରାଯାଇଥିଲା I ଆଇଆଇସି ସୁବ୍ରତ ପାଣିଗ୍ରାହୀ ତରଭାରେ ଯୋଗଦେଇ ନିଷ୍ଠାର ସହିତ କର୍ତ୍ତବ୍ୟ ସମ୍ପାଦନ କରିବେ ବୋଲି ପ୍ରକାଶ କରିଥିଲେ I ଆଜିର ଏହି ବିଦାୟ ଏବଂ ସ୍ୱାଗତ ସମରୋହରେ ତରଭା ଡାକ୍ତରଖାନାରେ କାର୍ଯ୍ୟରତ , ଡ଼ କ୍ଷୀରୋଦ୍ର ମିଶ୍ର, ପୂର୍ବତନ ନଗରପାଳ ଶୈଳେନ୍ଦ୍ର ସାହୁ, ଜୟପ୍ରକାଶ ନାରାୟଣ ସାହୁ,ସୁବାଷ ଚନ୍ଦ୍ର ସେଠି,ରାଜକିଶୋର ସାହୁ, ଗଗନ ଅଗ୍ରୱାଲ ପ୍ରମୁଖ ଙ୍କ ସମେତ ସମସ୍ତ ସାମ୍ବାଦିକ ଅଶୋକ କୁମାର ସାହୁ, ମାନଭଞ୍ଜନ ମିଶ୍ର,ଭୋଲା କୁମାର ବର୍ମା,ଅକ୍ଷ୍ୟ କୁମାର ବାଘ ପ୍ରମୁଖ ଯୋଗଦାନ କରିଥିଲେ I
