ସୁବର୍ଣ୍ଣପୁର : ବେଆଇନ କଫ ସିରପ କାରବାରକୁ ନେଇ ତିନି ଜଣକୁ ଗିରଫ କରିଛି ସୋନପୁର ପୋଲିସ । ଏହାସହ ୧୦୦ ବୋତଲ କଫ ସିରଫ ଏବଂ ଏକ ସ୍କୁଟି କୁ ଜବତ କରିଛି ପୋଲିସ । ସୋନପୁର ଥାନା ଅଂଚଳରେ କିଛି ଦିନ ହେଲା ବେଆଇନ ଭାବେ କଫ ସିରପ କାରବାର ଚାଲିଥିଲା । ଗତକାଲି ବ୍ଲକ ଛକ ରୁ ପଟାଭାଡି ରାସ୍ତାରେ ଥିବା ସଖି ସେଣ୍ଟର ନିକଟରେ ପୋଲିସ ପାଟ୍ରୋଲିଂ କରୁଥିବା ସମୟରେ ତିନି ଜଣ ଯୁବକକୁ ଧରିବାରେ ସଫଳ ହୋଇଛି । ଗିରଫ ଅଭିଯୁକ୍ତମାନେ ହେଲେ ଉତ୍ତମ ବେହେରା, ଭଗବାନ ସାହୁ ଓ ମାନସ ପାଢି । ସମସ୍ତ ଅଭିଯୁକ୍ତ ସୋନପୁର ସହରର ବୋଲି ପୋଲିସ ସୁଚନା ଦେଇଛି । ଏ ନେଇ ସୋନପୁର ଥାନାରେ ଏକ ସାମ୍ବାଦିକ ସମ୍ମିଳନି କରି ସୁଚନା ଦେଇଛନ୍ତି ସୋନପୁର ଉପଖଣ୍ଡ ପୋଲିସ ଅଧିକାରୀ ପୁଷ୍ପାଞ୍ଜଳି ନେଗୀ ।
