ସମ୍ବାଦ ସାହିତ୍ୟ ଘର ତରଭା ଶାଖା ତରଫରୁ ସ୍ଵଭାବ କବିଙ୍କ ଗଙ୍ଗାଧର ମେହେରଙ୍କ ଜୟନ୍ତୀ ପାଳିତ ହୋଇ ଯାଇଛି। ସାହିତ୍ୟ ଘର ସଭାପତି ବନବାସ ମେହେରଙ୍କ ଅଧ୍ୟକ୍ଷତାରେ ଶ୍ରୀ ହରି ପ୍ଲେ ସ୍କୁଲ ରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ରୂପେ ପୂର୍ବତନ ନଗରପାଳ ଶୈଳେନ୍ଦ୍ର ସାହୁ, ସମ୍ମାନିତ ଅତିଥି ରୂପେ ଦେବେନ୍ଦ୍ର ବିଜୟ ସାହୁ ଓ ମୁଖ୍ୟବକ୍ତା ରୁପେ ମାନସ ମର୍ମଜ୍ଞ ପଙ୍କଜ ସାହୁ ଯୋଗଦେଇଥିଲେ। ମୁଖ୍ୟବକ୍ତା ଶ୍ରୀ ସାହୁ ଗଙ୍ଗାଧରଙ୍କ ଇନ୍ଦୁମତି କାବ୍ୟର ବିସ୍ତୃତ ବର୍ଣ୍ଣନା କରିଥିଲେ। ଏହି ଅବସରରେ ଶିକ୍ଷାବିତ୍ ହରିବନ୍ଧୁ ପାଣିଗ୍ରାହୀ, ଅବସରପ୍ରାପ୍ତ ଶିକ୍ଷକ ଜୟପ୍ରକାଶ ନାରାୟଣ ସାହୁ, ସଞ୍ଜୀବ ସେଠୀ, ଗୌରୀଶଙ୍କର ସାହୁ, ଲୋକନାଥ ଦଳବେହେରା, ସୁଦାମ ପୁଟେଲ, ଶଙ୍କର୍ଷଣ ସାହୁ, ତପସ୍ଵିନୀ ପଟ୍ଟନାୟକ, ଭୋଲା ବର୍ମା , ରୋସନ୍ ସାହୁ ସମେତ ଅଞ୍ଚଳର ଅନେକ ବୁଦ୍ଧିଜିବୀ ଓ ସମ୍ବାଦ ସାହିତ୍ୟ ଘରର ସମସ୍ତ ସଦସ୍ୟ ଉପସ୍ଥିତ ରହିଥିଲେ। କବିୟତ୍ରୀ ଶ୍ରଦ୍ଧାଞ୍ଜଳୀ କୁମ୍ଭାର ଅତିଥି ପରିଚୟ ଓ କାର୍ଯ୍ୟକ୍ରମ ପରିଚାଳନା କରିଥିଲେ। ଗୁରୁବାର ସମ୍ବାଦ ପରିବାରର ମୁଖ୍ୟ ସୋମ୍ୟ ରଞ୍ଜନ ପଟ୍ଟନାୟକଙ୍କ ଜନ୍ମଦିନ ଅବସରରେ ସମ୍ବାଦ ସାହିତ୍ୟ ଘର ତରଭା ଶାଖା ତରଫରୁ ତାଙ୍କୁ ଶୁଭେଛା ଜ୍ଞାପନ କରାଯାଇଥିଲା। ଶେଷରେ ସମ୍ବାଦ ପ୍ରତିନିଧି ରାଜେଶ କୁମାର ମେହେର ଧନ୍ୟବାତ ଅର୍ପଣ କରିଥିଲେ।
