ପାନୀୟ ଜଳ ଯୋଗାଣରୁ ବଞ୍ଚିତ ଗ୍ରାମବାସୀ ବିଡ଼ିଓଙ୍କ ଦ୍ୱାରସ୍ତ I ତରଭା ବ୍ଲକ ବଡ କଦଳୀପଲି ଗ୍ରାମର ଲୋକେ ପାନୀୟ ଜଳ ଯୋଗାଣରୁ ବଞ୍ଚିତ ରହିଥିବାରୁ ସ୍ଥାନୀୟ ବିଡ଼ିଓ ବିନୟ କୁମାର ପଟେଲ ଙ୍କୁ ଭେଟିଛନ୍ତି I ସେମାନଙ୍କ ଅଭିଯୋଗ ମୁତାବକ ତାଙ୍କ ଗ୍ରାମରେ rwss ବିଭାଗ ଦ୍ୱାରା ପାନୀୟ ଜଳ ଯୋଗାଣ ବ୍ୟବସ୍ଥା ଦୀର୍ଘ ଚାରିମାସ ହେଲା ବନ୍ଦ ରହିଛି I ଫଳରେ ସେମାନେ ନାହିଁ ନ ଥିବା ଅସୁବିଧା ଭୋଗ କରୁଛନ୍ତି I ଏ ନେଇ କନିଷ୍ଠ ଯନ୍ତ୍ରୀଙ୍କୁ ଅଭିଯୋଗ କଲେ ସେ ଓଲଟା ଦୁର୍ବ୍ୟବହାର କରୁଥିବା ନେଇ ବିଡିଓଙ୍କୁ ଲିଖିତ ଅଭିଯୋଗ କରିଛନ୍ତି I ଉତ୍ୟକ୍ତ ଲୋକେ ବିଡ଼ିଓଙ୍କ କକ୍ଷରେ ତଳେ ବସି ଅଭିଯୋଗ ବଖାଣୁଥିବା ବେଳେ ବିଡ଼ିଓ ବିନୟ କୁମାର ପଟେଲ ନମ୍ରତାର ସହ ସେମାନଙ୍କୁ ଚେୟାର ରେ ବସିବାକୁ ଅନୁରୋଧ କରିଥିଲେ I ରାମନାରାୟଣ ବେଜ ଲୋକଙ୍କ ଅସୁବିଧା କୁ ଆଉ କେତେଦିନ ଅଣଦେଖା କରାଯିବ ତାହାକୁ ନେଇ ପ୍ରଶ୍ନ କରିଥିଲେ I ଶ୍ରୀ ପଟେଲ ଲିଖିତ ଅଭିଯୋଗ ପାଇବା ସହ ଲୋକଙ୍କ ସ୍ୱାର୍ଥକୁ ଦୃଷ୍ଟିରେ ରଖି କିପରି ଏହାର ଶୀଘ୍ର ସମାଧାନ ହେବ ଏ ନେଇ ଚେଷ୍ଟା କରାଯିବା ବୋଲି କହିଥିଲେ I rwss କନିଷ୍ଠ ଯନ୍ତ୍ରୀଙ୍କୁ ପଚାରିବାରୁ ଉକ୍ତ ଗ୍ରାମ ଦେଇ ପୂର୍ତ ବିଭାଗର ନୂତନ ରାସ୍ତା ନିର୍ମାଣ କାର୍ଯ୍ୟ ଚାଲିଥିବାରୁ ପାଇପ ଲାଇନ ଅଚଳ ହୋଇ ପଡିଛି ବୋଲି ପ୍ରକାଶ କରିଥିଲେ I ଉଭୟ rwss ଏବଂ pwd ବିଭାଗ ର ସମନ୍ଵୟ ଅଭାବ ରୁ ତାହା କାର୍ଯ୍ୟକାରୀ ହୋଇ ପାରୁନାହିଁ I ଯାହାକୁ ନେଇ ଏବେ ପାନୀୟ ଜଳ ଯୋଗାଣ ବାଧାପ୍ରାପ୍ତ ହୋଇପଡିଛି ଏବଂ ଅସୁବିଧା ଭୋଗୁଛନ୍ତି ଗ୍ରାମବାସୀ I
