ଏହା କୌଣସି ଡିଜେ ର ଲାଇଟ ନୁହେଁ ଏହା ହେଉଛି ତରଭା ବ୍ଲକ ସରଗଜ ଗ୍ରାମର ମୁଖ୍ୟ ଛକରେ ଲାଗିଥିବା ଷ୍ଟ୍ରିଟ ଲାଇଟ I ଗ୍ରାମକୁ ପ୍ରବେଶ କରିବା ମାତ୍ରେ 5ଟି ବିଦ୍ୟାଳୟ ସଂମୁଖରେ ଥିବା ଖୁଣ୍ଟର ଲାଇଟ, ମୁଖ୍ୟ ଛକ ପାଖରେ ଥିବା ଲାଇଟ, ବସ୍ତି ମଝିରେ ଥିବା ଅନେକ ଗୁଡିଏ ଲାଇଟ ଅଚଳ ହୋଇ ପଡ଼ିରହିଛି I ପ୍ରାୟ ତିନି ମାସ ହେବ ସରଗଜ ଗ୍ରାମରେ ଏହି ଲାଇଟ ଗୁଡିକ ଲଗାଯାଇଥିଲା I ହେଲେ ଅଧାରୁ ଅଧିକ ଲାଇଟ ଅକାମି ହୋଇ ପଡିଥିବା ଜଣାପଡିଛି I ଫଳରେ ଅନ୍ଧାରରେ ଯିବା ଆସିବା ବେଳେ ସମସ୍ୟା ଦେଖାଦେଇଛି I ଅନ୍ଧାରର ଫାଇଦା ନେଇ ଅଂଚଳରେ ଅସାମାଜିକ କାର୍ଯ୍ୟକଳାପ ବୃଦ୍ଧି ଆଶଙ୍କା କରାଯାଉଛି I ଗତ କିଛି ଦିନ ପୂର୍ବରୁ ସରଗଜ ଗ୍ରାମର ଛକ ନିକଟରେ କିଛି ଦୁର୍ବୃତ୍ତମାନେ ଏଟିଏମ ଲୁଟ କରିବାର ପ୍ରୟାସ କରିଥିଲେ I ବାଇକ ଚଲାକମାନଙ୍କୁ ଅଟକାଇ ଲୁଟ ଉଦ୍ଦ୍ୟମ ଚଳାଉଥିବା ର ପ୍ରୟାସ କରାଯାଉଥିବା ଗ୍ରାମବାସୀ ପ୍ରକାଶ କରିଛନ୍ତି I ଖାଲି ସେତିକି ନୁହେଁ ସରଗଜ ଗ୍ରାମପଞ୍ଚାୟତ ନକଟିକନା କୁ ଆଦର୍ଶ ଗ୍ରାମ ଭାବରେ ଘୋଷଣା କରାଯାଇଛି I ହେଲେ ଉକ୍ତ ଗ୍ରାମରେ ପାଖାପାଖି ଏକ ବର୍ଷ ହେବ ଷ୍ଟ୍ରିଟ ଲାଇଟ ଲଗାଇଥିଲା I ହେଲେ ଏଠାରେ ମଧ୍ୟ ସମାନ ଅବସ୍ଥା I ପଂଚାୟତ ଦାୟିତ୍ୱରେ ଥିବା ଯନ୍ତ୍ରୀଙ୍କୁ ଯୋଗାଯୋଗ କଲେ କୌଣସି ପ୍ରତିକ୍ରିୟା ମିଳିପାରୁ ନାହିଁ I ଆଦର୍ଶ ଗ୍ରାମରେ ଏହିଭଳି ଅବହେଳା କୁ ନେଇ ଗ୍ରାମବାସୀ ଦୁଃଖ ପ୍ରକାଶ କରିଛନ୍ତି I ତେବେ ଲାଇଟ ସମସ୍ୟାକୁ ନେଇ ଗ୍ରାମବାସୀ ବହୁବାର ସରପଞ୍ଚଙ୍କନିକଟରେ ଅଭିଯୋଗ କରିଛନ୍ତି I ସରପଞ୍ଚ ଶ୍ରୀମତୀ ନର୍ମଦା ମିଶ୍ର ଏନେଇ ବିଡ଼ିଓଙ୍କ ଦୃଷ୍ଟି ଆକର୍ଷଣ କରିଥିବା ସହ ଶୀଘ୍ର ଏହାର ସମାଧାନ କରାଯିବ ବୋଲି କହିଛନ୍ତି I
