ମଦ୍ୟପଙ୍କ ଆଡ୍ଡା ପାଲଟିଛି ମାଇକ୍ରୋ ଆକ୍ଟିଭିଟି ସେଣ୍ଟର I ସୁବର୍ଣ୍ଣପୁର ଜିଲ୍ଲା ତରଭା ଏନଏସି ଅନ୍ତର୍ଗତ ବ୍ଲକ ପଡା ନିକଟରେ ରହିଛି ଏକ ଦେଶୀ ମଦଭାଟି I ଉକ୍ତ ମଦଭାଟି ପାର୍ଶ୍ଵରେ ନିର୍ମାଣ ଚାଲିଛି ଆହାର ରୋଷେଇ ଗୃହ I ଖାଲି ସେତିକି ନୁହେଁ ଗୋଟିଏ ମିଶନ ଶକ୍ତି ଗୃହ ଏବଂ ମାଇକ୍ରୋ ଆକ୍ଟିଭିଟି ସେଣ୍ଟର ମଧ୍ୟ ରହିଛି I ମଦଭାଟିକୁ ସ୍ଥାନାନ୍ତର କରିବା ନେଇ ବାରମ୍ବାର ଦାବି ହୋଇ ଆସୁଥିଲେ ମଧ୍ୟ ପ୍ରଶାସନ କୌଣସି ପଦକ୍ଷେପ ନେଉନାଥିବା ଅଭିଯୋଗ ହୋଇଛି I ମଦ ଭାଟି ନିକଟରେ ଏହି ଗୃହ ନିର୍ମାଣ ଫଳରେ ମହିଳାଙ୍କ ସୁରକ୍ଷା ପ୍ରତି ବିପଦ ରହିଥିବା ନେଇ ଜନସାଧାରଣରେ ଚର୍ଚ୍ଚା ଚାଲିଛି I ବସ୍ତି ବାସିନ୍ଦାଙ୍କ କହିବା ଅନୁସାରେ ଅତି ନିକଟରେ ମଦଭାଟି ରହିଥିବାରୁ ବିଭିନ୍ନ ସମୟରେ ରାସ୍ତାରେ ଯିବା ଆସିବା କରୁଥିବା ମଦ୍ୟପାନ କରିଥିବା ବ୍ୟକ୍ତି ମହିଳା ମାନଙ୍କୁ ଦୁର୍ବ୍ୟବହାର କରୁଥିବା, ଅଶ୍ଲିଳ ଭାଷା ପ୍ରୟୋଗ ତଥା କମେଣ୍ଟ ମାରୁଥିବା ଦେଖିବାକୁ ମିଳିଛି I ଏହିଭଳି ପରିସ୍ଥିତିରେ ମଦଭାଟିକୁ ସ୍ଥାନାନ୍ତର ନ କରି କେଉଁ ଆଧାରରେ ମଦଭାଟି ପାର୍ଶ୍ବରେ ତିନି ତିନି ଗୋଟି ପ୍ରକଳ୍ପ ନିର୍ମାଣ କରାଯାଇଛି ତାହା ବୁଝା ପଡୁନାହିଁ I ତତ୍କାଳୀନ ଦାୟିତ୍ୱରେ ଥିବା କାର୍ଯ୍ୟ ନିର୍ବାହୀ ଅଧିକାରୀ, କନିଷ୍ଠ ଯନ୍ତ୍ରୀ ତଥା ଏହି ପ୍ରକଳ୍ପ ସହିତ ଜଡିତ ଥିବା ବ୍ୟକ୍ତି ବିଶେଷ ଙ୍କ କଣ ଏଥିପ୍ରତି ଧ୍ୟାନ ଗଲାନାହିଁ I ଭଲକରି ଦେଖନ୍ତୁ ମାଇକ୍ରୋ ଆକ୍ଟିଭିଟି ସେଣ୍ଟର କାନ୍ଥ ତଳେ କିଭଳି ଭାବରେ ପଡ଼ିରହିଛି ମଦ ପାଉଚ I ଖୋଲାଖୋଲି ଭାବରେ ଏଠାରେ ବସି ଲୋକେ ମଦ୍ୟପାନ କରୁଥିବା ପ୍ରକାଶ କରିଛନ୍ତି ବସ୍ତି ବାସିନ୍ଦା I କେବଳ ବାହା ବାହା ନେବା ପାଇଁ ଏହିଭଳି ଭାବରେ ପ୍ରକଳ୍ପ ଉପରେ ପ୍ରକଳ୍ପ ତିଆରି ଚାଲିନି ତ ? ଯେଉଁ ରାଜ୍ୟରେ ମହିଳାଙ୍କ ପ୍ରତି ଯଥେଷ୍ଟ ସମ୍ମାନ ଦେଉଥିବା ଡିଂଡିମ ପିଟୁଥିବା ସରକାରଙ୍କ ଅଧୀନରେ ଥିବା କର୍ମଚାରୀଙ୍କ କଣ ଏହା ମହିଳାମାନଙ୍କ ପ୍ରତି ସମ୍ମାନ I ଏହା ଆମେ କହୁନାହୁଁ ଏକଥା କହିଛନ୍ତି ସାଧାରଣ ଜନତା I ବସ୍ତି ବାସିନ୍ଦା ଙ୍କ ସୁରକ୍ଷାକୁ ଦୃଷ୍ଟିରେ ରଖି ଶୀଘ୍ର ମଦଭାଟି କୁ ଅନ୍ୟତ୍ର ସ୍ଥାନାନ୍ତର କରିବା ନେଇ ଦାବି ହୋଇଛି ନଚେତ ଆଗାମୀ ଦିନରେ ଆନ୍ଦୋଳନାତ୍ମକ ପନ୍ଥା ଅବଲମ୍ବନ କରାଯିବ ବୋଲି କହିଛନ୍ତି ସ୍ଥାନୀୟ ବସିନ୍ଦା I
