ସୁବର୍ଣ୍ଣପୁର ଜିଲ୍ଲା ଅନ୍ତର୍ଗତ ସୁବଳୟା ଥାନାର ଜଣେ ଏଏସଆଇଙ୍କୁ ମାଡ ମାରିଥିବା ଘଟଣାରେ ୨ ଜଣକୁ ଗିରଫ କରିଛି ସୁବଳୟା ପୋଲିସ । ଗତ ସୋମବାର ଦିନ ସୁବଳୟା ଥାନା ଅନ୍ତର୍ଗତ ତିଲେଇମାଲ ଗାଁର ଭାଇ ଭାଇ ମଧ୍ୟରେ ଝେମଲାକୁ କେନ୍ଦ୍ରକରି ସୁବଳୟା ଥାନାର ଜଣେ ଏଏସଆଇ ତଦନ୍ତ ପାଇଁ ଯାଇଥିବାବେଳେ ସେଠାରେ ଉତେଜନା ପରିସ୍ଥିତି ସୃଷ୍ଟି ହୋଇଥିଲା । ପରିସ୍ଥିତି ଏଭପରି ହୋଇଥିଲା ଯେ କିଛି ଲୋକେ ଉତ୍ୟକ୍ତ ହୋଇ ଏଏସଆଇ ଗୌରହରୀ ମେହେରଙ୍କୁ ଗୋଡେଇ ଗୋଡେଇ ନିସ୍ତୁକ ମାଡ ମାରିଥିଲେ । ଘଟଣାକୁ ନେଇ ସୁବଳୟା ଥାନାରେ ୭ ଜଣଙ୍କ ନାମରେ ମାମଲା ରୁଜୁ ହୋଇଥିଲା । ଗତକାଲି ବିଳମ୍ବିତ ରାତିରେ ୨ଜଣଙ୍କୁ ଗିରଫ କରିଥିବା ବୀରମହାରାଜପୁର ଏସଡିପିଓ ସୂଚନା ଦେଇଛନ୍ତି । ତେବେ କାହିଁକି କିଭଳି ପରିସ୍ଥିତିରେ ଏଏସଆଇ ଜଣକ ସାଦା ପୋଷାକରେ ଯାଇଥିଲେ ତାହା ତଦନ୍ତ ଚାଲିଥିବା ଏସଡିପିଓ ପ୍ରକାଶ କରିଛନ୍ତି ।
