ଫିରିଙ୍ଗିଆ ପୋଲିସକୁ ମିଳିଛି ବଡ ସଫଳତା l ପୋଲିସ ସାଜି ଡକାୟତି କରୁଥିବା ଆଠ ଜଣ ନକଲି ପୋଲିସକୁ ଗିରଫ କରିଛି ଫିରିଙ୍ଗିଆ ପୋଲିସ l ସେମାନଙ୍କ ନିକଟରୁ 4ଦେଶୀ ବନ୍ଧୁକ ସହିତ ମାଉଜର, ଗୁଳି,ପୋଲିସ ପୋଷାକ,2ଟି ଗାଡି ଜବତ ହୋଇଛି l ପ୍ରାପ୍ତ ସୂଚନା ମୁତାବକ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ବାଙ୍ଗା ଉପରସାହି ପଞ୍ଚାୟତ ବାଲିଗଟା ଅଞ୍ଚଳରେ ଡକାୟତ ଗ୍ୟାଙ୍ଗ ପୋଲିସ ବେଶରେ ଗାଁକୁ ଗଞ୍ଜେଇ ଧରିବାକୁ ଆସି ଗାଁର ବିଭିନ୍ନ ଘରେ ପଶି ଟଙ୍କା ସୁନାଗହଣା ଆଦି ଲୁଟ କରୁଥିଲେ l ଡକାୟତମାନେ ବନ୍ଧୁକ ଦେଖାଇ ଲୋକଙ୍କୁ ଭୟଭୀତ କରିଥିଲେ l ଲୋକମାନଙ୍କୁ ସନ୍ଦେହ ହେବାରୁ ସେମାନେ ସ୍ଥାନୀୟ ପୋଲିସକୁ ଖବର କରିଥିଲେ l ନକଲି ପୋଲିସ ସାଜି ଡକାୟତ ଗ୍ୟାଙ୍ଗ ଲୁଟ କରୁଥିବା ଜାଣିପାରି ଲୋକମାନେ ତାଙ୍କୁ ଧରିବାକୁ ଚେଷ୍ଟା କରିବାରୁ ଡକାୟତମାନେ ବନ୍ଧୁକ ଦେଖାଇ ଭୟଭୀତ କରି ପାଖ ଜଙ୍ଗଲକୁ ଖସି ପଳାଇଥିବା ବେଳେ ଦୁଇ ଜଣକୁ ଲୋକମାନେ ଧରି ପୋଲିସରେ ଜିମା ଦେଇଥିଲେ l ତେବେ ପୋଲିସ ଗାଁ ପାଖ ଜଙ୍ଗଲରେ ଚଢ଼ାଉ କରି ଅନ୍ୟ ଛଅ ଜଣ ଡକାୟତଙ୍କୁ ଗିରଫ କରିଥିଲା l
