ସୋନପୁର ପୋଲିସ କୁ ବନ୍ଧୁକ ଦେଖାଇ ଫେରାର ମାରୁଥିବା ବେଳେ ତିନିଜଣ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି ସୋନପୁର ପୋଲିସ । ସୋମବାର ସନ୍ଧ୍ୟାରେ ପୋଲିସ ପେଟ୍ରୋଲିଙ୍ଗ କରୁଥିବା ସମୟରେ ମନୁମୁଣ୍ଡା ପଟରୁ ଆସୁଥିବା ଏକ ହୁଣ୍ଡାଇ ଭର୍ଣ୍ଣା କାରକୁ ସନ୍ଦେହରେ ଅଟକାଇବାକୁ ଚେଷ୍ଟା କରିଥିଲା ପୋଲିସ କିନ୍ତୁ କାରଟି ଦ୍ରୁତ ଗତିରେ ପଳାଇବାରୁ ତାକୁ ପୋଲିସ ଗୋଡାଇବା ସହ କାରଟିକୁ ମହାନଦୀ ପୋଲ ନିକଟରେ ଅଟକାଇଥିଲେ । ତେବେ ଉକ୍ତ କାର ଭିତରୁ ଦୁଇଟି ଦେଶି ପିସ୍ତଲ, କିଛି ଅଫୁଟା ଗୁଳି, ଗୋଟାଏ ମାଗଜିନ, ଗୋଟାଏ ଛୁରି, ୫ଟି ମୋବାଇଲ ଫୋନ ଏବଂ ହୁଣ୍ଡାଇ ଭର୍ଣ୍ଣା କାର ଜବତ କରିଛି ପୋଲିସ । ଏହି ଘଟଣାରେ ଉତର ପ୍ରଦେଶ ବରେଳୀ ଅଂଳର ତିନିଜଣ ଅଭିଯୁକ୍ତ ଯୁବକ ଅଙ୍କୁର ଦିବାକର, ମୋହିତ କୁମାର ଓ ଅବଦେଶ କୁମାର ୟାଦବଙ୍କୁ ଗିରଫ କରି ଆଜି କୋର୍ଟ ଚାଲାଣ କରାଯାଇଛି । ସେମାନଙ୍କୁ ରିମାଣ୍ଡରେ ଅଣାଯାଇ ଅଧିକ ତଦନ୍ତ କରାଯିବ ବୋଲି ସାମ୍ବାଦିକ ସମ୍ମିଳନିରେ ସୁଚନା ଦେଇଛନ୍ତି ସୁବର୍ଣ୍ଣପୁର ଆରକ୍ଷି ଅଧିକ୍ଷକ ।
