ସୁବର୍ଣ୍ଣପୁର ଜିଲ୍ଲା ସଦର ରିଜର୍ଭ ପୋଲିସ ପଡିଆରେ ସହିତ ଦିବସ ପାଳିତ ହୋଇଯାଇଛି I ଜିଲ୍ଲା ପୋଲିସ ଫୋର୍ସ ପକ୍ଷରୁ ଆୟୋଜିତ ଏହି ସମାରୋହରେ ଜିଲ୍ଲା ଆରକ୍ଷୀ ଅଧିକ୍ଷକ ଅମରେଶ ପଣ୍ଡା ଯୋଗଦେଇ ମିଳିତ ପ୍ୟାରେଡ଼ର ଅଭିବାଦନ ଗ୍ରହଣ କରିବା ସହ ସହିଦ ପୋଲିସ୍ କର୍ମୀଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ ଏବଂ ତାଙ୍କ ସୃତି ଚାରଣ କରିଛନ୍ତି । ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ପଣ୍ଡା ଦେଶ ମାତୃକାର ସେବାରେ ନିଜକୁ ଉତ୍ସର୍ଗ କରିବା ସହିତ ନିଷ୍ଠାର ସହ ନିଜ ଦାୟିତ୍ବ ସମ୍ପନ୍ନ କରିବା ନେଇ ଉପସ୍ଥିତ ପୋଲିସ କର୍ମଚାରୀମାନଙ୍କୁ ଉଦବୋଧନ ଦେଇଥିଲେ । ସମାରୋହରେ ଅତିରିକ୍ତ ଡେପୁଟି କମାଣ୍ଡେନ ଉମେଶ ଚନ୍ଦ୍ର ଦାନୀ,ଜେଲର ଡିଲେଶ୍ବର ଜେନା ଙ୍କ ସମେତ ଅନେକ ଜିଲ୍ଲା ସ୍ତରୀୟ ପୋଲିସ ଅଧିକାରୀ,ବୁଦ୍ଧିଜୀବୀ, ସାମ୍ବାଦିକ ,ଆଇନଜୀବୀ ଯୋଗ ଦେଇଥିଲେ। ପୋଲିସ କର୍ମଚାରୀ ସଦା ସର୍ବଦା ଲୋକଙ୍କ ସେବା ଯୋଗାଉଥିବା, ଲୋକଙ୍କୁ ସୁରକ୍ଷା ପ୍ରଦାନ କରିବା, ସମାଜରେ କିପରି ଶାନ୍ତି ଶୃଙ୍ଖଳା ବଜାୟ ରହିପାରିବ ସେଇଥିପାଇଁ 24 ଘଣ୍ଟା କାମ କରୁଥିବା, ପୋଲିସ ଏବଂ ଜନସାଧାରଣ ଙ୍କ ମଧ୍ୟରେ ବନ୍ଧୁତା ସ୍ଥାପନ ହୋଇପାରିବ ସେ ଦିଗରେ ପ୍ରୟାସ ଜାରି ରହିଥିବା ନେଇ ଆଜିର ସହିଦ ଦିବସରେ ସୁବର୍ଣ୍ଣପୁର ଜିଲ୍ଲା ଆରକ୍ଷୀ ଅଧିକ୍ଷକ ଅମରେଶ ପଣ୍ଡା ପ୍ରକାଶ କରିଥିଲେ ।
