ବଲାଙ୍ଗୀର ଜିଲ୍ଲା ପୁଇଁତଲା ବ୍ଲକ ଖଲିଆପାଲି ଗ୍ରାମପଞ୍ଚାୟତ ଠାରେ ଲକ୍ଷେଘର ଗଣ୍ଡା ସମାଜ ପକ୍ଷରୁ ନୂଆଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ଏହି କାର୍ଯ୍ୟକ୍ରମ କୁ ନେଇ ହୋଇଥିବା ସଭାରେ ସମାଜ ର ସଭାପତି ସେବହରି ବାଘ ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥିଭାବେ ବରିଷ୍ଠ କଂଗ୍ରେସ ନେତା ଓମ ପ୍ରକାଶ କୁମ୍ଭାର, ମୁଖ୍ୟ ବକ୍ତା ଭାବେ ପ୍ରଦେଶ କଂଗ୍ରେସ ସମ୍ପାଦକ ଆକବର ଖାନ, ସମ୍ମାନିତ ଅତିଥିଭାବେ ବରିଷ୍ଠ ନେତା ପାଣ୍ଡବ କୁମ୍ଭାର, ଅବସର ପ୍ରାପ୍ତ ପୋଲିସ ଡିଏସପି ହେମସାଗର ନନ୍ଦ, ଅର୍ଜୁନ ମୁଗରୀ, ଜ୍ୟୋତିଷ ମୁଗରୀ, ପୂର୍ଣ୍ଣ ଚନ୍ଦ୍ର ବିଶ୍ୱାଳ, ଜ୍ୟୋସ୍ନା ରାଣୀ ନନ୍ଦ , ତ୍ରିଲୋଚନ ନନ୍ଦ ପ୍ରମୁଖ ମଂଚାସୀନ ରହିଥିଲେ I ପ୍ରାରମ୍ଭରେ ସନ୍ଥ କବି ଭୀମ ଭୋଇ ଏବଂ ବାବା ସାହେବ ଆମ୍ବେଦକର ଙ୍କ ତୈଳଚିତ୍ରରେ ଅତିଥିମାନଙ୍କ ଦ୍ୱାରା ପ୍ରଦୀପ ପ୍ରଜ୍ଵଳନ ଏବଂ ପୁଷ୍ପମାଲ୍ୟ ଅର୍ପଣ କରାଯାଇଥିଲା I ଅତିଥିମାନେ ନିଜ ନିଜ ବକ୍ତବ୍ୟରେ ନୂଆଖାଇ ପର୍ବ ଏକ ଭାଇଚାରା ର ପର୍ବ , ନୂଆଖାଇ ଭେଟଘାଟ ର ମହତ୍ୱ ତଥା ଭୀମ ଭୋଇ ଏବଂ ବାବା ସାହେବ ଆମ୍ବେଦକର ଙ୍କ ଜୀବନି ଉପରେ ଆଲୋକପାତ କରିଥିଲେ I ମୁଖ୍ୟବକ୍ତା ଆକବର ଖାନ ନିଜ ବକ୍ତବ୍ୟରେ ଦଳିତ ସମାଜ ର ଉନ୍ନତି ଯେତିକି ମାତ୍ରାରେ ହେବାକଥା ସେତିକି ହୋଇନାହିଁ ବୋଲି କହିଥିଲେ I ଆଜିର ଯୁବ ସମାଜ ନିଶା ଦ୍ରବ୍ୟ ଠାରୁ ଦୂରରେ ରହି ଏକ ସୁସ୍ଥ ସବଳ ସମାଜ ଗଠନରେ ମୁଖ୍ୟ ଭୂମିକା ଗ୍ରହଣ କରିବା ନେଇ ମତବ୍ୟକ୍ତ କରିଥିଲେ I ଏହି ସମସ୍ତ କାର୍ଯ୍ୟକ୍ରମରେ ଯୁଗଲାଲ ନନ୍ଦ ମଞ୍ଚ ପରିଚାଳନା କରିଥିଲେ I ସଭାକାର୍ଯ୍ୟ ପରେ ନୂଆଖାଇ ଉପରେ ଆଧାରିତ ନୃତ୍ୟ, ସମ୍ବଲପୁରୀ, ଲୋକକଳା ନୃତ୍ୟ ଇତ୍ୟାଦି କୁ ନେଇ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା I ଅତିଥିମାନଙ୍କ ଦ୍ୱାରା ବିଭିନ୍ନ କ୍ଷେତ୍ରରେ ପାରିଦର୍ଶିତା କୁ ନେଇ ବହୁ ପ୍ରତିଭାଶାଳୀ ବ୍ୟକ୍ତିଙ୍କୁ ସମ୍ମାନିତ କରାଯାଇଥିଲା I ଏହି ସମସ୍ତ କାର୍ଯ୍ୟକ୍ରମରେ କଂଗ୍ରେସ ନେତା ବିରୋଧ ତାଣ୍ଡି,ହରି ନନ୍ଦ, କମଲ ଲୋଚନ ତାଣ୍ଡି, କଣ୍ଠ ନାଗ, ଜପେଶ୍ୱର ମଲ୍ଲିକ ପ୍ରମୁଖ ପୂର୍ଣ୍ଣ ସହଯୋଗ କରିଥିଲେ I
