14.05.2024 : ସୋମବାର ସନ୍ଧ୍ୟାରେ ତରଭା ଏନଏସିରେ ପ୍ରଚାର ମଇଦାନରେ ଓଲ୍ଲହାଇଛନ୍ତି ବିଜେଡି ଦଳୀୟ ବିଧାୟକ ପ୍ରାର୍ଥୀ ନିରଞ୍ଜନ ପୂଜାରୀ I ଶତାଧିକ ପୁରୁଷ ମହିଳା ସମର୍ଥକଙ୍କ ସହ ନୂଆପଡା ଶନିଶ୍ଚର ମନ୍ଦିର ଠାରୁ ବାହାରି ରଥପଡା ମୁଖ୍ୟ ରାସ୍ତା ଦୁର୍ଗାମଣ୍ଡପ ନୂଆପଡା ରାସ୍ତା ଦେଇ ଲୋକଙ୍କୁ ଭେଟି ଭୋଟ ଭିକ୍ଷା କରିଥିଲେ ଶ୍ରୀ ପୂଜାରୀ I ଏହି ପ୍ରଚାର ବେଳେ ବିଜେଡି ଦଳର ପ୍ରଚାର ପତ୍ର ବଣ୍ଟନ କରାଯାଇଥିଲା I ଏହି ପ୍ରଚାରପତ୍ରରେ ତରଭା ଅଞ୍ଚଳରେ ବିଭିନ୍ନ ପ୍ରକଳ୍ପ ଯେପରିକି 11 କୋଟି ବ୍ୟୟ ଅଟକଳରେ ଏକ ନୂତନ ଡାକ୍ତରଖାନା ନିର୍ମାଣ, ଶିବତୁଲା ଠାରେ 132/33 କେଭି କ୍ଷମତା ସମ୍ପନ ନୂତନ ଗ୍ରୀଡ଼ ନିର୍ମାଣ ଭଳି କୋଟି କୋଟି ଟଙ୍କାର ପ୍ରକଳ୍ପ ଗୁଡିକର ନାମ ଉଲ୍ଲେଖ ରହିଛି I ଏହି ରୋଡ଼ ଶୋ ବେଳେ ଶନିଶ୍ଚର ମନ୍ଦିର, ପ୍ରଭୁ ଜଗନ୍ନାଥ, ନୀଳକଣ୍ଠେଶ୍ଵର ଏବଂ ମା ପାଟମେଶ୍ୱରୀ ଙ୍କ ଦର୍ଶନ କରି ଶ୍ରୀ ପୂଜାରୀ ଆଶୀର୍ବାଦ କାମନା କରିଥିଲେ I
