ଆଜି ହେଉଛି ଆନ୍ତର୍ଜାତୀୟ ଯୋଗ ଦିବସ I ଏହି ପରିପ୍ରେକ୍ଷୀରେ ସାରା ଭାରତରେ ବିଭିନ୍ନ ସ୍ଥାନରେ ଯୋଗ ଦିବସ ପାଳନ କରାଯାଉଛି I ସେହିପରି ଓଡିଶା ସରକାରଙ୍କ ନିର୍ଦ୍ଧେଶ କ୍ରମେ ଜିଲ୍ଲା, ବ୍ଲକ, ମୁନସିପାଲିଟି ଏବଂ ଏନଏସି ଭଳି ବିଭିନ୍ନ ସ୍ଥାନରେ ଯୋଗ ଦିବସ ପାଳନ କରାଯାଇଛି I ସୁବର୍ଣ୍ଣପୁର ଜିଲ୍ଲା ତରଭା ଏନଏସି ଆନୁକୁଲ୍ୟରେ ବିଜୁ ପଟନାୟକ ସ୍ମାର୍ଟପାର୍କ ଠାରେ ହୋଇଥିବା ଏହି କାର୍ଯ୍ୟକ୍ରମରେ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ଲକ୍ଷ୍ମୀକାନ୍ତ ମଲ୍ଲିକ ଅଧକ୍ଷତା କରିଥବା ବେଳେ ଯୋଗ ଗୁରୁ ଭାବେ ଶ୍ରୀ ବନବାସ ମେହେର ଏବଂ ସହଯୋଗୀ ଭାବେ ଶ୍ରୀ ଅକ୍ଷୟ କୁମାର ବାଘ, ଶ୍ରୀ ଜୟପ୍ରକାଶ ନାରାୟଣ ସାହୁ ଯୋଗଦାନ କରିଥିଲେ I ଏହି କାର୍ଯ୍ୟକ୍ରମ ସକାଳ 7 ଘଣ୍ଟା ରୁ ଆରମ୍ଭ ହୋଇ 7.୪୫ ମିନିଟ ରେ ସମାପ୍ତ ହୋଇଥିବା ଏନଏସି ପକ୍ଷରୁ ସୂଚନା ମିଳିଛି I ହେଲେ ଏହି କାର୍ଯ୍ୟକ୍ରମରେ ନିର୍ବାଚିତ ଜଣ ପ୍ରତିନିଧିମାନେ ଅଂଶ ଗ୍ରହଣ କରିନ ଥିବାରୁ ଜିଲ୍ଲା ବିଜେପି ଉପସଭାପତି ଶ୍ରୀ ରାମ ନାରାୟଣ ବେଜ ଦୁଃଖ ପ୍ରକାଶ କରିଥିଲେ I
