ବଲାଙ୍ଗୀର ଜିଲ୍ଲା ଲୋଇସିଂହା ଥାନା ରୁଗୁଡିଖାଲ ଛକ ଠାରୁ ଚୋରି ହୋଇଥିବା ଟ୍ରାକ୍ଟର କୁ ସୋନପୁର ଜିଲ୍ଲା ପୁଆ ଗ୍ରାମ ରୁ ଉଦ୍ଧାର କରିଛି ଲୋଇସିଂହା ପୋଲିସ। ସବୁଦିନ ପରି ରୁଗୁଡ଼ିଖାଲ ଛକ ରେ ନଗାଁ ଗ୍ରାମର ନିରଞ୍ଜନ ପଧାନ ତାଙ୍କ ଦୋକାନ ଆଗରେ ତାଙ୍କ ଟ୍ରାକ୍ଟର ରଖିଥିଲେ। ଟ୍ରାକ୍ଟର ମାଲିକ ନିରଞ୍ଜନ ପଧାନ ଏ ନେଇ ଲୋଇସିଂହା ଥାନାରେ ଏକ ଲିଖିତ ଅଭିଯୋଗ କରିଥିଲେ। ଅଭିଯୋଗ କୁ ଭିତ୍ତି କରି ଲୋଇସିଂହା ଥାନା ଅଧିକାରି ଏକ ମାମଲା ରୁଜୁ କରି ତଦନ୍ତ ଚଳାଇ ଅଭିଯୁକ୍ତ କୁ ଧରିବାରେ ସଫଳ ହୋଇଥିଲେ। ଅଭିଯୁକ୍ତ ଜଣକ ବଲାଙ୍ଗୀର ଜିଲ୍ଲା ଖୁଜେନପାଲି ଗ୍ରାମର ସାନ୍ତନୁ ବ୍ରହ୍ମଚାରି ମହାନନ୍ଦ ବୋଲି ଜଣାପଡିଛି I ଅଭିଯୁକ୍ତ ଜଣକ ଉକ୍ତ ଟ୍ରାକ୍ଟର ଟିକୁ ଚୋରି କରି ସୋନପୁର ଜିଲ୍ଲା ପୁଆ ଗ୍ରାମରେ ରଖିଥିଲେ ବୋଲି ପୋଲିସ ସୂଚନ ପ୍ରଦାନ କରିଛି । ତେବେ ଅଭିଯୁକ୍ତ ସାନ୍ତାନୁ ବ୍ରହ୍ମଚାରି ମହାନନ୍ଦ କୁ ଲୋଇସିଂହା ପୋଲିସ କୋର୍ଟ ଚାଲାଣ କରିଥିବା ପୋଲିସ ପକ୍ଷରୁ ସାମ୍ବାଦିକ ସମ୍ବଳିନୀ ରେ ପ୍ରକାଶ କରାଯାଇଥିଲା I
