ଗୋଟିଏ ଦିନରେ ଦୁଇ ଗୋଟି ଗାଈ ଓ ଗୋଟିଏ ଷଣ୍ଢର ମୃତ୍ୟୁ ଘଟିଛି । ପ୍ରାପ୍ତ ସୂଚନା ଅନୁଯାୟୀ ଗୁରୁବାର ଅପରାହ୍ନରେ ତରଭା ବ୍ଲକ ସଭାଗୃହ ପଛ ପଟେ ଥିବା ଓସମାନ ଟାୱାର ରେ ବିଦ୍ୟୁତ ସଂପର୍ଶରେ ଆସି ଦୁଇଗୋଟି ଗାଈର ମୃତ୍ୟୁ ହୋଇଥିଲା । ପ୍ରକାଶ ଥାଉକି ଦୀର୍ଘ ବର୍ଷ ହେଲା ଏହି ଟାୱାରର ଚାରିପଟ ମୁକୁଳା ହୋଇ ପଡିରହିଛି। ସଂଯୋଗକୁ ବର୍ଷା କାଳ ହୋଇଥିବାରୁ ଟାୱାର ଆର୍ଥିଂ ସଂସ୍ପର୍ଶରେ ଆସି ଦୁଇଗାଈ ମୃତ୍ୟୁ ଘଟିଥିବା ଲୋକେ ପ୍ରକାଶ କରିଛନ୍ତି । ଖବର ପାଇ ବିଦ୍ୟୁତ ବିଭାଗ ଘଟଣା ସ୍ଥଳରେ ପହଂଚି ବିଦ୍ୟୁତ ବିଛିନ୍ନ କରି ଗାଇ ଦୁଇଟିକୁ ଉଦ୍ଧାର କରିଥିଲେ । ହେଲେ ବିଦ୍ୟୁତ ଘାତରେ ଉଭୟଙ୍କ ଜୀବନ ଚାଲିଯାଇଥିଲା। କିନ୍ତୁ ଓସମାନ ଟାୱାର ତିଆରି ଏବଂ ରକ୍ଷଣା ବେକ୍ଷଣ କରୁଥିବା କର୍ମଚାରୀଙ୍କୁ ପଚାରିବାରୁ ଟାୱାରରେ ବିଦ୍ୟୁତ ସଂଯୋଗ ହୋଇନଥିବା ପ୍ରକାଶ କରିଥିଲେ I ଟାୱାର ପାଖରେ ଆଉ ଗୋଟିଏ ଆର୍ଥୀଙ୍ଗ ରହିଥିଵା ଯୋଗୁଁ ଏହିଭଳି ଘଟଣା ଘଟିଥାଇ ପରେ ବୋଲି କହିଥିଲେ I ସେ ଯାହା ହେଉନା କାହିଁକି ବିଭାଗ ଲୋକଙ୍କ ସୁରକ୍ଷା ପାଇଁ ଦୃଷ୍ଟି ଦେବାକୁ କୁ ଦାବି ହେଉଛି I ଠିକ୍ ସେହିପରି ଉକ୍ତଦିନ ତରଭା ସହରର ଠାରେ ଏକ ଅଜଣା ଗାଡି ଛିଡା ହୋଇଥିବା ବେଳେ ଗୋଟିଏ ବୁଲା ଷଣ୍ଢ ପିଟି ହେବ ପରେ ନର୍ଦମାରେ ପଡି ଜୀବନ ଚାଲି ଯାଇଥିବା ଜଣାଯାଇଛି । ଉପରୋକ୍ତ ଦୁଇ ଘଟଣାକୁ ନେଇ ସହରରେ ଗୋ ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ସହରରେ ବୁଲା ଗାଈ ଗୋରୁ, ବେପରୁଆ ଗାଡ଼ିଚାଳନା , ବିପର୍ଯ୍ୟସ୍ତ ଟ୍ରାଫିକ ବ୍ୟବସ୍ଥାକୁ ନେଇ ବହୁବାର ଆମ ପୋଲିସ ବୈଠକରେ ଦାବୀ ହୋଇଆସୁଛି। ହେଲେ ଏଯାଏଁ ଏ ଦିଗରେ କୌଣସି ସନ୍ତୋଷ ଜନକ ପଦକ୍ଷେପ ନେବା ଭଳି ଦେଖାଯାଇନାହିଁ । ଏଣୁ ଏଦିଗରେ ବିହିତ ପଦକ୍ଷେପ ନେବା ସହ ଆଗାମୀ ଦିନରେ ଯେପରି ଏହାର ପୁନରାବୃତି ନ ହେଉ ସେ ଦିଗରେ ଧ୍ୟାନ ଦେବା ଆବଶ୍ୟକ।
