ସୁବର୍ଣ୍ଣପୁର ରାମେଶ୍ବର ଷ୍ଟାଡିୟମ ଠାରେ ଅଠସ୍ତରି ତମ ସ୍ବାଧିନତା ଦିବସ ପାଳିତ ହୋଇଯାଇଛି । ଏହି ଅବସରରେ ସୁବର୍ଣ୍ଣପୁର ଜିଲ୍ଲାପାଳ ଅନ୍ୟା ଦାସ ମୁଖ୍ୟ ଅତିଥିଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିବା ସହିତ ମିଳିତ ପ୍ୟାରେଡ ରେ ଅଭିବାଦନ ଗ୍ରହଣ କରିଥିଲେ। ଭାରତକୁ ସ୍ୱାଧୀନ କରିବାରେ ମହାପୁରୁଷ ମାନଙ୍କ ବଳିଦାନକୁ ଆମେ ସମସ୍ତେ ମନେ ରଖିବା ବୋଲି ଆହ୍ବାନ କରିଥିଲେ । ଦେଶ ସ୍ବାଧୀନ ହେବାରେ ସୁବର୍ଣ୍ଣପୁର ର ଭୂମିକା ବି ଅତି ଗୁରୁତ୍ବପୂର୍ଣ୍ଣ ରହିଥିବା ସେ ତାଙ୍କ ଅଭିଭାଷଣରେ କହିଥିଲେ। ଚଳିତ ବର୍ଷ ସହରର ମୋଟ ୪୩ ଟି ପ୍ୟାରେଡ ଦଳ ସାମିଲ ହୋଇଥିବାବେଳେ ବିଭିନ୍ନ ବିଭାଗ ପକ୍ଷରୁ ପ୍ରଜ୍ଞାପନ ମେଢ ଗୁଡିକ ପ୍ରଦର୍ଶିତ ହୋଇଥିଲା । ଏହି ଅବସରରେ ବିଭିନ୍ନ କ୍ଷେତ୍ରରେ କୃତିତ୍ବ ହାସଲ କରିଥିବା ବ୍ୟକ୍ତିଙ୍କୁ ସମ୍ବର୍ଦ୍ଧିତ କରାଯାଇଥିଲା । ପରେ ପ୍ୟାରେଡ ପଡ଼ିଆରେ ଛାତ୍ରଛାତ୍ରୀମାନଙ୍କ ଦ୍ବାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଯାହାକି ଉପସ୍ଥିତ ସମସ୍ତକୁ ଆକର୍ଷିତ କରିଥିଲା I
