ସୁବର୍ଣ୍ଣପୁର ଜିଲ୍ଲା କୃଷକ ସଙ୍ଗଠନ ପକ୍ଷରୁ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି I ଏଥିରେ ଜିଲ୍ଲାର ସମସ୍ତ ବ୍ଲକର ବହୁ କୃଷକ ସଙ୍ଗଠନର ସଦସ୍ୟମାନେ ଯୋଗଦାନ କରିଥିଲେ I ଏହାକୁ ନେଇ ହୋଇଥିବା ଏକ ସଭାରେ କୃଷକମାନଙ୍କ ବିଭିନ୍ନ ସମସ୍ୟା ଉପରେ ବିସ୍ତାରରେ ଆଲୋଚନା ହୋଇଥିଲା I ସମସ୍ତ ବ୍ଲକର ସଙ୍ଗଠନ ମୁଖ୍ୟ ତଥା ସଦସ୍ୟମାନେ ନିଜ ନିଜର ମତବ୍ୟକ୍ତ କରିଥିଲେ I ଜିଲ୍ଲାର ସମସ୍ତ ବ୍ଲକରେ ସଙ୍ଗଠନକୁ ମଜବୁତ କରିବା, କୃଷିବୀମା କୁ ବେସରକାରୀ ସଂସ୍ଥା ହାତକୁ ନ ଦେବା, msp କୁ ଆଇନ ର ମାନ୍ୟତା ପ୍ରଦାନ କରିବା, ସାର ର କଳାବଜାରୀ ରୋକିବା, ଚାଷୀ ଋଣ ଛାଡ଼ କରିବା,କୃଷକ ଶ୍ରିମକ ବୋର୍ଡ ଗଠନ କରାଯିବା, ପ୍ରତ୍ୟେକ ବ୍ଲକ ରେ ଶୀତଳ ଭଣ୍ଡାର ନିର୍ମାଣ କରାଯିବା ଭଳି ଅନେକ ପ୍ରସ୍ତାବ ଉପରେ ଉପସ୍ଥିତ ବ୍ୟକ୍ତି ମତବ୍ୟକ୍ତ କରିଥିଲେ I ଏହି କାର୍ଯ୍ୟକ୍ରମରେ ସୁବର୍ଣ୍ଣପୁର ଜିଲ୍ଲା କୃଷକ ସଙ୍ଗଠନର ସଭାପତି ବୈକୁଣ୍ଠ ଶତପଥି, ଉପସଭାପତି ଧରଣୀଧାର ପତି , ସମ୍ପାଦକ ଚିତ ଗଡ଼ତିଆ, କୋଷାଧ୍ୟକ୍ଷ ପଦ୍ମଲୋଚନ ମିଶ୍ର, ଆଇନ ପରାମର୍ଶ ଦାତା ପ୍ରଦୀପ ପୁରୋହିତ ପ୍ରମୁଖଙ୍କ ସମେତ ଜିଲ୍ଲାର ବିଭିନ୍ନ ବ୍ଲକର ପଦାଧିକାରୀ ଏବଂ ସଦସ୍ୟମାନେ ସାମିଲ ରହିଥିଲେ I
