ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଶ୍ରୀ ଅଗ୍ରୱାଲ ସଭା ଟ୍ରଷ୍ଟ ଏବଂ ଗୋପାଲ ଗୋଶାଲା କମିଟି ଆନୁକୂଲ୍ୟରେ ଶ୍ରୀ ଗୋପାଷ୍ଟମୀ ମହୋତ୍ସବ ଏବଂ ଦୀପାବଲୀ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି I ଏଥିରେ ମୁଖ୍ୟ ଅତିଥି ଭାବରେ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ, ସମ୍ମାନିତ ଅତିଥି ଭାବେ ବଲାଙ୍ଗୀର ସାଂସଦ ସଂଗୀତା କୁମାରୀ ସିଂଦେଓ ,କଣ୍ଟାବାଞ୍ଜୀ ବିଧାୟକ ଲକ୍ଷ୍ମଣ ବାଗ ଙ୍କ ସହ ଅଗ୍ରୱାଲ ସଭା ଟ୍ରଷ୍ଟ ସଭାପତି କୈଳାସ ଚନ୍ଦ୍ର ଅଗ୍ରୱାଲ , ଗୋଶାଳା କମିଟି ସଭାପତି ସଞ୍ଜୟ ଅଗ୍ରୱାଲ ମଞ୍ଚାସିନ ରହିଥିଲେ। ପ୍ରଥମେ ଭଗବାନ ଶ୍ରୀ ରାଧାକୃଷ୍ଣ ଙ୍କ ପୂଜନୋତ୍ସବରେ ଗୋ ମାତା ଙ୍କ ପୂଜା କରିଥିଲେ ଉପ ମୁଖ୍ୟମନ୍ତ୍ରୀ ଏବଂ ସାଂସଦ । ଆୟୋଜିତ ସଭାରେ କଣ୍ଟାବାଞ୍ଜି ରେ ଥିବା ଗୋପାଳ ଗୌଶାଲା ଦୀର୍ଘ ବର୍ଷ ଧରି ଗୋ ସେବା କରି ଆସୁଥିବା ବେଳେ ତାଙ୍କର ଏହି କାର୍ଯ୍ୟକ୍ରମରେ ଯୋଗ ଦେଇ ଉପମୁଖମନ୍ତ୍ରୀ ଏବଂ ସାଂସଦ ନିଜକୁ ଧନ୍ୟମନେ କରିଥିଲେ I ଏହାସହ ଗୋ ମାତାଙ୍କ ସେବା ହିନ୍ଦୁ ଧର୍ମରେ ଏକ ମହତ୍ୱପୂର୍ଣ୍ଣ କାର୍ଯ୍ୟ ,ଆଗାମୀ ଦିନ ଏହି ଗୋଶାଳାର ଉନ୍ନତି ପାଇଁ ଆମର ସମ୍ପୂର୍ଣ୍ଣ ସହଯୋଗ ରହିବ ବୋଲି ମୁଖ୍ୟ ଅତିଥି ନିଜର ଅଭିଭାଷଣରେ ପ୍ରକାଶ କରିଥିଲେ I
