ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଠାରେ ଥିବା ଖେଳ ପଡିଆରେ 38 ତମ ଧନୁଯାତ୍ରା ମହୋତ୍ସବ ଉଦଘାଟିତ ହୋଇଯାଇଛି I ପ୍ରଥମ ସନ୍ଧ୍ୟାରେ ରାଜ ଅତିଥି ଭାବେ କଣ୍ଟାବାଞ୍ଜି ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ସନ୍ତୋଷ ସିଂ ସାଲୁଜା,ସ୍ୱଶକ୍ତି ଜାଗରଣ ସେବା ସଂସ୍ଥାନ ବ୍ରହ୍ମପୁର ର ସଂସ୍ଥାପକ ଟି. କ୍ରିଷ୍ଣା ପାତ୍ର, ବଙ୍ଗୋମୁଣ୍ଡା ବିଡ଼ିଓ ଶଙ୍କର୍ଷଣ ବେହେରା, ପଞ୍ଚାୟତ ସମିତି ଉପାଧ୍ୟକ୍ଷା କେଶବ ନାରାୟଣ ଜୈନ, ଜିଲ୍ଲା ପରିଷଦ ଓମ ପ୍ରକାଶ କୁମ୍ଭାର ଯୋଗଦାନ କରିଥିଲେ I ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଲୋକଙ୍କ ପାଇଁ କଂସ ଦରବାର ସହ ମିନବଜାର, ଦୋକାନ ବଜାର ର ବ୍ୟବସ୍ଥା କରାଯାଇଛି I ଉଦ୍ଘାଟନୀ ସନ୍ଧ୍ୟାରେ ନାଟ୍ୟ ଅଭିନୟରେ ଦେବକୀ ବାସୁଦେବ ବିବାହ, ମହାରାଜା ଉଗ୍ରସେନ ଙ୍କୁ ଗାଦିଚ୍ୟୁତ, ଦେବକୀ ବାସୁଦେବ କାରାଗାର ରେ ବନ୍ଦୀ, କଂସ ଙ୍କ ରାଜ୍ୟାଭିଷେକ ଆଦି ଅଭିନାୟ ପରିବେଷିତ କରାଯାଇଥିଲା I ପ୍ରଥମ ସନ୍ଧ୍ୟାରେ ହିଁ ଧନୁଯାତ୍ରାରେ ଲୋକଙ୍କ ପ୍ରବଳ ଭିଡ ଦେଖିବାକୁ ମିଳିଥିଲା I
