ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିୟମ ବନ୍ଦ ରହିଥିବାରୁ ଅତିରିକ୍ତ ଜିଲ୍ଲାପାଳଙ୍କୁ ଲିଖିତ ଅଭିଯୋଗ କଲେ ଯୁବ ଖେଳାଳି I ଆଜି ସୁବର୍ଣ୍ଣପୁର ଜିଲ୍ଲା ତରଭା ଠାରେ ନିର୍ମିତ ବିଜୁ ପଟ୍ଟନାୟକ ଖେଳ ଭବନ ତିଆରି ସାରିବାରେ ଏକ ବର୍ଷ ପରେ ମଧ୍ୟ ବନ୍ଦ ପଡିଛି I ଫଳରେ ସ୍ଥାନୀୟ ବାସିନ୍ଦା,ଯୁବ ପ୍ରତିଭା ତଥା ଖେଳାଳୀମାନଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି I ଆଜି ବହୁ ଯୁବ ଖେଳାଳି ଶୀଘ୍ର ଏହାକୁ ଖୋଲିବା ପାଇଁ ସୁବର୍ଣ୍ଣପୁର ଜିଲ୍ଲାପାଳ ଙ୍କୁ ଲିଖିତ ଅଭିଯୋଗ କରିଛନ୍ତି I ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିୟମର ନିର୍ମାଣ କାର୍ଯ୍ୟ ୨୮.୦୩.୨୦୧୨ ରେ ଆରମ୍ଭ କରାଯାଇ ୨୭.୧୨.୨୦୨୨ ରେ ଶେଷ ହୋଇଥିବା ସୂଚନା ଫଳକରେ ଉଲ୍ଲେଖ ରହିଛି I ହେଲେ ଆଜିକୁ ଏକ ବର୍ଷ ବିତିଗଲେ ସୁଦ୍ଧା ଏହା କାର୍ଯ୍ୟକାରୀ ହୋଇପାରି ନାହିଁ I ଏ ନେଇ ବିଭାଗୀୟ ଯନ୍ତ୍ରୀଙ୍କୁ ପଚାରିବାରୁ ଶୀଘ୍ର ଏହାର ଉଦଘାଟନ କରାଯାଇ ଖୋଲାଯିବ ବୋଲି କହିଥିଲେ I ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିୟମ କାର୍ଯ୍ୟକାରୀ ହେଲେ ଅଞ୍ଚଳର ବହୁ ଖେଳାଳି ଅନେକ ପ୍ରକାରର ସୁବିଧା ପାଇପାରିବେ I ହେଲେ କେଉଁ ଉଦ୍ଦେଶ୍ୟରେ ଏକ ବର୍ଷ ହେଲା ନିର୍ମାଣ କାର୍ଯ୍ୟ ସରିଲା ପରେ ମଧ୍ୟ ଖୋଲା ଯାଉନାହିଁ ତାହା ବୁଝାପଡୁ ନାହିଁ I
