ଗଞ୍ଜେଇ ଚୋରାଚାଳାଣ କରୁଥିବା ବେଳେ ତରଭା ପୋଲିସ ହାତରେ ଧରାପଡିଲା ଅଭିଯୁକ୍ତ । ଗତ ବୁଧବାର ଅପରାହ୍ନ ତିନି ଘଣ୍ଟା ସମୟରେ ତରଭା ପୋଲିସର ଏକ ଟିମ ପେଟ୍ରୋଲିଙ୍ଗ କରୁଥିବା ବେଳେ ଏକ ଦୁଇଚକିଆ ଗାଡିକୁ ଫଟାମୁଣ୍ଡ ଗ୍ରାମ ଛକ ନିକଟରେ ସନ୍ଦେହରେ ଅଟକାଇଥିଲା । ଉକ୍ତ ଗାଡିକୁ ଯାଞ୍ଚ କରିବା ବେଳେ ସେଥିରୁ ଗଞ୍ଜେଇ ବାହାରି ଥିଲା । ତେବେ ଓଜନ କରିବାରୁ 21 କେଜି 150 ଗଞ୍ଜେଇ ଥିବା ଜଣାପଡିଥିଲା I ତେବେ ଏହି ଘଟଣାକୁ ନେଇ ଗଂଜେଇ ଚାଲାଣରେ ବ୍ୟବହୃତ ନାଲି ରଙ୍ଗର ହିରୋ ଗ୍ଲେମର ଯାହାର ନମ୍ବର OD 03 N 0008 ଏବଂ ଗଞ୍ଜେଇ ଜବତ କରିବା ସହ ଜଣେ ଅଭିଯୁକ୍ତ କୁ ଗିରଫ କରିଛି ତରଭା ପୋଲିସ I ଗିରଫ ଅଭିଯୁକ୍ତ ଜଣକ ହେଲେ ତରଭା ଥାନା ଅନ୍ତର୍ଗତ ପଣ୍ଡକିମାଲ ଗ୍ରାମର ବିଶ୍ୱନାଥ ସାହୁ ଯାହାଙ୍କର ବୟସ 24 ବର୍ଷ ବୋଲି ଜଣାପଡିଛି I ଏ ସଂକ୍ରାନ୍ତରେ ତରଭା ଥାନା କେସ ନମ୍ବର 148/24 ରେ ମାମଲା ରୁଜୁ କରିବା ସହ ଅଭିଯୁକ୍ତ କୁ କୋର୍ଟ ଚାଲାଣ କରାଯାଇଥିବା ତରଭା ଥାନା ଅଧିକାରୀ ଅନିତା କିଟୋ ସୂଚନା ପ୍ରଦାନ କରିଛନ୍ତି I
