ତରଭା ସରକାରୀ ବାଳିକା ଉଚ୍ଚ ବିଦ୍ୟାଳୟର ବାର୍ଷିକ କ୍ରୀଡା ଉତ୍ସବ ସ୍ଥାନୀୟ ଖେଳ ପଡିଆ ଠାରେ ଅନୁଷ୍ଠିତ ହୋଇଯାଇଛି । ପ୍ରଥମେ ପଡିଆରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟତ୍ରୀଙ୍କ ଉପସ୍ଥିତିରେ ଏକ ମଶାଲ ଯାତ୍ରାରେ ବାଳିକାମାନେ ପଡିଆରେ ପ୍ରବେଶ କରି ଅତିଥିଙ୍କ ହସ୍ତରେ ମଶାଲ ପ୍ରଦାନ କରିଥିଲେ I ଏହାପରେ ହୋଇଥିବା ସଭାରେ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ କବିତା ବରେଇ ସଭାପତିତ୍ୱ କରିଥିବା ବେଳେ ମୁଖ୍ଯ ଅତିଥିଭାବେ ମରାଡୁଗୋଛା ହାଇସ୍କୁଲ ର ଖେଳ ଶିକ୍ଷକ ଭବାନୀ ଶଙ୍କର ସାହୁ, ସମ୍ମାନିତ ଅତିଥି ଭାବେ ସ୍କୁଲ ପରିଚାଳନା କମିଟି ର ଅଧକ୍ଷ ନୌସାଦ୍ ମହମ୍ବଦ୍, ସଦସ୍ୟ ସରିତ ମେହେର ମଞ୍ଚାସିନ ରହିଥିଲେ । ଅତିଥିମାନେ ତାଙ୍କ ବକ୍ତବ୍ୟରେ ଛାତ୍ରୀମାନେ ଶୃଙ୍ଖଳାର ସହିତ ସମସ୍ତ ପ୍ରତିଯୋଗିତାରେ ଅଂଶଗ୍ରହଣ କରିବା ଏବଂ ପାଠପଢିବା ସହିତ ଉତ୍ତମ ଖେଳର ପ୍ରଦର୍ଶନ କରି ବିଦ୍ୟାଳୟର ସୁନାମ ରଖିବା ସହ ଛାତ୍ରୀମାନଙ୍କୁ ଉତ୍ସାହିତ କରିଥିଲେ I ସଭା କାର୍ଯ୍ୟ ସମାପନ ପରେ ବିଦ୍ୟାଳୟ ର ଖେଳ ଶିକ୍ଷକ ଶ୍ରୀ କଲ୍ୟାଣ ଚନ୍ଦ୍ର ମହାପାତ୍ର ଙ୍କ ତତ୍ତ୍ବାବଧାନ ରେ ଜୁନିୟର ଓ ସିନିୟର ଦୁଇଟି ବିଭାଗରେ ଦୌଡ, ଲମ୍ବଡିଆଁ, ଉଚ୍ଚଡିଆଁ, ମ୍ୟୁଜିକ ଚେୟାର ଭଳି ସମୁଦାୟ ୨୨ ଗୋଟି ପ୍ରତିଯୋଗିତାରେ ବହୁ ଛାତ୍ରୀ ଅଂଶ ଗ୍ରହଣ କରିଥିଲେ । ଉତ୍ତମମାନର ଖେଳ ପ୍ରଦର୍ଶନ କରି ସିନିୟର ବିଭାଗରେ ଜାହ୍ନବୀ ବାଗ ଏବଂ ଜୁନିଅର ବିଭାଗରେ ପ୍ରତିମା ନାଏକ ଚମ୍ପିୟାନ ହୋଇଛନ୍ତି ।ଏହି ପ୍ରତିଯୋଗିତା ଗୁଡିକରେ ବିଦ୍ୟାଳୟ ର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ସହଯୋଗ କରିଥିଲେ।
