ତରଭା ବାଇପାସ ରାସ୍ତାରେ ଥିବା ଚର୍ଚ୍ଚ ପରିସରରେ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ବଡ଼ଦିନ ଧୂମଧାମରେ ପାଳିତ ହୋଇଯାଇଛି I ଏହି କାର୍ଯ୍ୟକ୍ରମରେ ତରଭା ପୂର୍ବତନ ନାଗରପାଳ ଶୈଳେନ୍ଦ୍ର କୁମାର ସାହୁ, ଅବସର ପ୍ରାପ୍ତ AES କଲେଜ ଅଧକ୍ଷା ସୁଶ୍ରୀ ମିନତୀ ମିଶ୍ର , ଦୁର୍ଯ୍ୟୋଧନ ରାଉତ,ସଞ୍ଜିବ ସାହୁ ,ଦେବେନ୍ଦ୍ର ନାଏକ, ଅଗ୍ନିଶମ ଅଧିକାରୀ ଅନିଲ ମିଶ୍ର,ଶିକ୍ଷକ ସଞ୍ଜିବ ସେଠି ପ୍ରମୁଖ ଙ୍କ ସମେତ ବହୁ ବୁଦ୍ଧିଜୀବୀ ଯୋଗଦାନ କରିଥିଲେ I ଚର୍ଚ୍ଚ ତରଫରୁ ସମସ୍ତଙ୍କୁ ପୁଷ୍ପମାଲ୍ୟ ଉତ୍ତରୀୟ ଦେଇ ସ୍ୱାଗତ କରାଯାଇଥିଲା I ପ୍ରାରମ୍ଭରେ ଚର୍ଚ୍ଚ ପରିସରରେ ପ୍ରଭୁ ଯୀଶୁଙ୍କ ଆଧାରିତ ଭଜନ ଏବଂ ପ୍ରାର୍ଥନା କରାଯାଇଥିଲା I ପାଷ୍ଟର ବିଜୟ ସାହୁ, ରାଜକିଶୋର ସାହୁ, ବନିତା ସାହୁ, ପ୍ରଭୁ ଯୀଶୁଙ୍କ ଜୀବନୀ ତଥା ବାଇବେଲ ଉପରେ ବିସ୍ତାରରେ ଅବଗତ କରାଇଥିଲେ I ଅଗ୍ନିଶମ ଅଧିକାରୀ ଅନିଲ ମିଶ୍ର ଖ୍ରୀଷ୍ଟ ଧର୍ମର ମହତ ଉଦ୍ଦେଶ୍ୟ ଉପରେ ଅଭିଭାଷଣ ପ୍ରଦାନ କରିଥିବା ବେଳେ, ସୁଶ୍ରୀ ମିନତୀ ମିଶ୍ର , ଦେବେନ୍ଦ୍ର ନାଏକ,ଶିକ୍ଷକ ସଞ୍ଜିବ ସେଠି ପ୍ରଭୁ ଯୀଶୁଙ୍କ ମହତ ବାଣୀ ଉପରେ ଆଲୋକପାତ କରିଥିଲେ I ରେଭରେଣ୍ଡ ବିଜୟ ପଣ୍ଡା ଦୀର୍ଘ ଅଧଘଣ୍ଟା ଧରି ତାଙ୍କ ମୁଖରୁ ପ୍ରଭୁ ଯୀଶୁଙ୍କ ବାଣୀ ଶୁଣାଇଥିଲେ I ତାଙ୍କ ବାଣୀରେ ସବୁ ଧର୍ମ ର ରାସ୍ତା ଅଲଗା ହୋଇଥିବା ବେଳେ ଲକ୍ଷ ଏକ ବୋଲି କହିଥିଲେ I ଏହି କାର୍ଯ୍ୟକ୍ରମରେ ତରଭା ସହରର ବହୁ ଗଣମାନ୍ୟ ବ୍ୟକ୍ତି ସାମ୍ବାଦିକ ଉପସ୍ଥିତ ରହିଥିଲେ I
