କଣ୍ଟାବାଞ୍ଜି : କଣ୍ଟାବାଞ୍ଜି ନଗର କଂଗ୍ରେସ ପକ୍ଷରୁ ଆଜି କଣ୍ଟାବାଞ୍ଜି ଏନଏସି ଅଫିସ ଘେରାଓ କରାଯାଇଛି । ନଗର କଂଗ୍ରେସ କମିଟି ଅଧ୍ୟକ୍ଷ ଡମ୍ବରୁଧର ବେହେରାଙ୍କ ନେତୃତ୍ୱରେ କଂଗ୍ରେସ ଦଳୀୟକର୍ମୀ ମାନେ ସ୍ଥାନୀୟ କଂଗ୍ରେସ ଅଫିସ ରୁ ବାହାରି ସହର ମୁଖ୍ୟ ରାସ୍ତା ଦେଇ ଏନଏସି ଅଫିସ ପର୍ଯ୍ୟନ୍ତ ପହଂଚିଥିଲେ । ସେଠାରେ ଏନଏସି କାର୍ଯ୍ୟନିର୍ବାହୀ ଅଧିକାରୀଙ୍କ ବିରୁଦ୍ଧରେ ନାରାବାଜି କରିଥିଲେ । ଏନଏସି ରେ ବ୍ୟାପକ ଦୁର୍ନୀତି ହେଉଥିବା, ବ୍ୟବସାୟୀ ମାନଙ୍କୁ ହଇରାଣ ହରକତ କରୁଥିବା ଭଳି ଅଭିଯୋଗ କରିଥିଲେ ଆନ୍ଦୋଳନକାରୀ । ଏହି ଆନ୍ଦୋଳନ ରେ ସ୍ଥାନୀୟ ବିଧାୟକ ସନ୍ତୋଷ ସିଂ ସାଲୁଜା ମଧ୍ୟ ସାମିଲ ରହିଥିଲେ । ଦଳ ତରଫରୁ ମୁନସିପାଲ ଡ଼ାଇରେକ୍ଟରଙ୍କ ଉଦ୍ଦେଶ୍ୟରେ କଣ୍ଟାବାଞ୍ଜି ଅତିରକ୍ତ ତହସିଲଦାରଙ୍କୁ ଜରିଆରେ ୧୨ ଦଫା ଦାବିପତ୍ର ପ୍ରଦାନ କରାଯାଇଥିଲା । କଣ୍ଟାବାଞ୍ଜି ବଣିକ ସଙ୍ଘ ଆନ୍ଦୋଳନକୁ ସମର୍ଥନ ଜଣାଇ ଦୋକାନ ବଜାର ବନ୍ଦ କରି ଆନ୍ଦୋଳନରେ ଯୋଗଦାନ କରିଥିଲେ ।
