ତରଭା ଠାରେ ଥିବା ବିଦେଶୀ ମଦ ଦୋକାନରୁ ଚୋରି I ପାଖାପାଖି ସାତ ଲକ୍ଷ ଟଙ୍କାର ମଦ ଚୋରି ହୋଇଥିବା ଜଣାଯାଇଛି I ଗତକାଲି ବିଳମ୍ବିତ ରାତ୍ରିରେ ଦୋକାନର ଚୋରମାନେ ସଟର ର ତାଲା ଭାଙ୍ଗି ମଦ ଚୋରି କରିବା ସହ ଦୋକାନରେ ଲାଗିଥିବା ସିସି ଟିଭିରେ ଲାଗିଥିବା ଡିଭିଆର ନେଇ ଯାଇଛନ୍ତି I ଖବର ପାଇ ତରଭା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି I ଆଇଆଇସି ସୁବ୍ରତ କୁମାର ପାଣିଗ୍ରାହୀ, ଏସଆଇ ଯଯାତି କେଶରୀ ସାହୁ ନିକଟରେ ଥିବା ଦୋକାନ ମାନଙ୍କର ସିସି ଟିଭି ଫୁଟେଜ ସଂଗ୍ରହ କରି ଚୋରାମାନଙ୍କୁ ଧରିବା ପାଇଁ ଅଧିକ ତଦନ୍ତ ଚଳାଇ ଥିବା ସୂଚନା ରହିଛି I ପ୍ରକାଶ ଥାଉ ଯେ ବିଦେଶୀ ମଦ ଦୋକାନ ପାଖରେ ଥିବା ହରିହର ଗେରେଜ ରୁ ମଧ୍ୟ କିଛି ମାସ ତଳେ ଲକ୍ଷାଧିକ ଟଙ୍କାର ଜିନିଷ ଚୋରି ହୋଇଥିଲା I ଚୋରମାନେ ଚାରିଚକିଆ ଗାଡ଼ିରେ ଆସି ଚୋରି କରି ଖସି ପଳାଇଥିଲେ I ତରଭା ସହରରେ ବିଗତ ଦିନରେ ଚୋରି, ହତ୍ୟା, ଅସାମାଜିକ କାର୍ଯ୍ୟକଳାପ ଦିନକୁ ଦିନ ବୃଦ୍ଧି ପାଇବାରେ ଲାଗିଛି I ଯାହାକି ପୋଲିସର ମୁଣ୍ଡବ୍ୟଥା ର କାରଣ ସାଜିଥିବା ବେଳେ ସହରବାସୀ ନିଜକୁ ଅସୁରକ୍ଷିତ ମାନେ କରୁଥିବା ଚର୍ଚ୍ଚା ହେଉଛି I ବ୍ୟୁରୋ ରିପୋଟ ବିଟିଭି ଓଡ଼ିଆ
