ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ଟାଉନ ଥାନା ପୋଲିସ ଦ୍ୱାରା 22 ବୋତଲ କଫ ସିରଫ,ଗୋଟିଏ ବାଇକ ଜବତ କରିବା ସହ ଜଣେ ବ୍ୟକ୍ତି କୁ ଗିରଫ କରିଛି I ମିଳିଥିବା ସୂଚନା ଅନୁସାରେ ଆଜି ନିଜ ବାଇକରେ କଫ ସିରଫ ନେଇ ଯାଉଥିବା ବେଳେ ସହରର କୁଷ୍ଠାଶ୍ରମ ନିକଟରେ ପୋଲିସ ବାଇକ ଚାଳକ ଉପରେ ଚଢ଼ାଉ କରିଥିଲା।ପୋଲିସ ଗାଡି ଦେଖି ଯୁବକ ଜଣକ ଦ୍ରୁତ ଗତିରେ ଖସି ପଳାଇ ଯିବା ଉଦ୍ୟମ କରିଥିବା ବେଳେ ରାସ୍ତାର ଉଭୟ ପାର୍ଶ୍ଵରୁ ପୋଲିସ ଆସୁଥିବା ଦେଖି ଯୁବକ ଫେରାର ହେବାରେ ସକ୍ଷମ ହୋଇପାରି ନ ଥିଲା । ତେବେ ବେଶ କିଛି ସମୟ ପୋଲିସ ସହିତ ଲୁଚକାଳି ଖେଳିବା ପରେ ପୋଲିସ ହାତରେ ଯୁବକ ଧରା ପଡିଥିଲା। ତେବେ ବାଇକ ଡିକି ଯାଞ୍ଚ କରିବାରୁ 22 ଗୋଟି କଫ ସିରଫ ବୋତଲ ପୋଲିସ ଜବତ କରିଥିଲା। କଫ ସିରଫ ନେଇ ଯାଉଥିବା ଯୁବକ ଝୁପୁଡି ପଡାର ଅନିଲ ପରୁଆ ବୋଲି ଜଣାପଡିଛି। ପୂର୍ବରୁ ବି ଅନିଲ ଉପରେ କଫ ସିରଫ ବିକ୍ରି ଅଭିଯୋଗରେ ପୋଲିସ ଏକ ମାମଲା ଦାୟର କରିଛି। ଅନିଲ ପୋଲିସ ଠାରୁ ଲୁଚି ଛପି ସହରରେ କଫ ସିରଫ ବ୍ୟବସାୟ କରୁଥିବା ଜଣାଯାଇଛି । ତେବେ ଦୀର୍ଘ ଦିନ ପରେ ପୋଲିସ ହାବୁଡ଼ରେ ପଡ଼ିଛି ଅବଧାରେ କଫ ସିରଫ କାରବାରର ପୁରୁଣା ବ୍ୟବସାୟୀ।ଆଜି ଅଭିଯୁକ୍ତ ଅନିଲକୁ କୋର୍ଟ ଚାଲାଣ କରାଯିବ ବୋଲି ପୋଲିସ ସୂଚନା ପ୍ରଦାନ କରିଛି I ଅବିଭକ୍ତ ବଲାଙ୍ଗୀର ଜିଲ୍ଲାରେ ଅବାଧରେ କଫସିରଫ କାରବାର ଚାଲିଥିବା ବେଳେ ସେମାନଙ୍କୁ ପୋଲିସ ଧରିବାରେ ବିଫଳ ହେଉଥିବା ଜନସାଧାରଣରେ ଚର୍ଚ୍ଚା ହେଉଛି I ଏହି ମାଫିଆମାନେ ଅତି କମ ସମୟରେ ଅଧିକ ଟଙ୍କା ଉପାର୍ଜନ କରିବା ଲାଳସା ରେ ଯୁବପିଢ଼ିକୁ ଅନ୍ଧକାର ଆଡକୁ ଠେଲି ଦେଉଥିବା ନେଇ ଅଂଚଳରେ ଚିନ୍ତାର ବିଷୟ ପାଲଟିଛି I
