କରୋନା ପାଇଁ ଦୀର୍ଘ ଦୁଇବର୍ଷ ପରେ ତରଭା ଠାରେ ଦୁଇ ଦିନଧରି ଫକିର ବାବା ଙ୍କ ଚାଲିଶତମ ଉର୍ସ ଉତ୍ସବ ଧୁମଧାମରେ ପାଳିତ ହୋଇଯାଇଛି I ତରଭା ହାଟପଦା ସ୍ଥିତ ସୟଦ ଅବଦୁଲ ସକୁର ସାହା ଓରଫ ଫକିର ବାବାଙ୍କ ମସଜିଦ ପରିସରରେ ଚଳିତ ବର୍ଷ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁଙ୍କ ଭିଡ ଦେଖିବାକୁ ମିଳିଥିଲା I ଭିଡକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଥିଲା I ପୋଲିସ ପ୍ରଶାସନ ସହରରେ ଟ୍ରାଫିକ ର ସୁପରିଚାଳନା କରିଥିବାରୁ ଯାତାୟତ ରେ କୌଣସି ଅସୁବିଧା ହୋଇ ନ ଥିଲା I ତରଭା ମସଜିଦ ମଜାର କମିଟି ପକ୍ଷରୁ ଲୋକଙ୍କ ସମାଗମ କୁ ଦୃଷ୍ଟିରେ ରଖି ଶ୍ରଦ୍ଧାଳୁମାନଙ୍କ ପାଇଁ ରହିବ ଖାଇବା ଆଦି ସମସ୍ତ ବ୍ୟବସ୍ତା କରାଯାଇଥିଲା I ଏଥର ମଧ୍ୟ ରାଜ୍ୟ ତଥା ରାଜ୍ୟ ବାହାରୁ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ବାବାଙ୍କ ଦରବାର ର ଶୋଭା ବଢାଉଥିଲା I ବହୁ ସଂଖ୍ୟାରେ ମାନସିକ ଧାରି ଶ୍ରଦ୍ଧାଳୁ ବାବାଙ୍କ ଦରବାର ରେ ଚାଦର ଚଢାଇଥିଲେ I ସୁବର୍ଣ୍ଣପୁର ଏସପି ଙ୍କ ନିର୍ଦେଶ କ୍ରମେ ଏସ୍ଡ଼ିପିଓ ପୁଷ୍ପାଞ୍ଜଳି ନିଁଙ୍ଗି, ତରଭା ଆଇଆଇସି ସୁବ୍ରତ କୁମାର ପାଣିଗ୍ରାହୀ, ଯଯାତି କେଶରୀ ସାହୁ ଙ୍କ ସମେତ ଜିଲ୍ଲାର ବହୁ ପୋଲିସ ଅଧିକାରୀ ଓ କର୍ମଚାରୀ ଶାନ୍ତି ଶୃଙ୍ଖଳା ବଜାୟ ରଖିବାରେ ନିଜ ନିଜ ଦାଇତ୍ୱ ସୁଚାରୁ ରୂପେ ସମ୍ପାଦନ କରିଥିଲେ I
