ସୋଲାର ପ୍ଲେଟ ଚୋରମାନଙ୍କୁ ଗିରଫ କରି କୋର୍ଟ ଚାଲାଣ କଲା ତରଭା ପୋଲିସ

ସୋଲାର ପ୍ଲେଟ ଚୋରମାନଙ୍କୁ ଗିରଫ କରି କୋର୍ଟ ଚାଲାଣ କଲା ତରଭା ପୋଲିସ I ମିଳିଥିବା ସୂଚନା ମୁତାବକ ତରଭା ବ୍ଲକ ଜାମକାନି ଠାରେ ଥିବା ବିଏସଏନଏଲ ଟାୱାର ରୁ 11 ଗୋଟି ଏବଂ ଟିଠେଇପାଲିରେ ଥିବା ପମ୍ପ ହାଉସ ରୁ 9 ଗୋଟି ସୋଲାର ପ୍ଲେଟ ଚୋରି ହୋଇଥିବା ନେଇ ତରଭା ଥାନାରେ କେସ ନମ୍ବର 221/22 ଏବଂ କେସ ନମ୍ବର 226/22 ଅଣ୍ଡର ସେକ୍ସନ 379 (ଆଇପିସି) ରେ ଦୁଇଟି ପୃଥକ ମାମଲା ରୁଜୁ ହୋଇଥିଲା I ତରଭା ପୋଲିସ ଘଟଣାର ତଦନ୍ତ କରି ତିନିଜଣ ଚୋରକୁ ଗିରଫ କରିବାରେ ସଫଳ ହୋଇଛି I ଗିରଫ ଚୋରା ମାନେ ହେଲେ ତରଭା ଥାନା ଅନ୍ତର୍ଗତ ଚାରଭଟା ଗ୍ରାମର ହିମାଂଶୁ କୁମ୍ଭାର ଯାହାଙ୍କ ବୟସ 32 ବର୍ଷ , ବଲାଙ୍ଗୀର ଜିଲ୍ଲା ବେଲପଡା ଥାନା ଅନ୍ତର୍ଗତ ଶିହିନୀ ଗ୍ରାମର ଚର୍ଚିତ ରଣା ଯାହାଙ୍କ ବୟସ 21, ଏବଂ ତରଭା ଥାନା କାମସାର ଗ୍ରାମର ନୀଳରତ୍ନ ନାଗଙ୍କ ବୟସ 53 ବର୍ଷ ବୋଲି ଜଣାପଡିଛି I ପୋଲିସ ଏମାନଙ୍କଠାରୁ ଚୋରି ହୋଇଥିବା କୋଡିଏ ଟି ସୋଲାର ପ୍ଲେଟ ମଧ୍ୟରୁ 12 ଗୋଟି ପ୍ଲେଟ ଜବତ କରିଛି I ଏହାସହ ଗୋଟିଏ ବୋଲେରୋ ପିକଅପ ଭ୍ୟାନ୍ ଯାହାର ନମ୍ବର ହେଉଛି ଓଡି 17 ସି – 9663 କୁ ଜବତ କରିଥିବା ଜଣାଯାଇଛି I ଗିରଫ ଚୋରା ମାନଙ୍କ ଡାକ୍ତରୀ ମଇନା କରାଯାଇ ଆଜି କୋର୍ଟ ଚାଲାଣ କରାଯାଇଥିବା ପୋଲିସ ପକ୍ଷରୁ ସୂଚନା ପ୍ରଦାନ କରାଯାଇଛି I ତରଭା ଥାନା ଆଇଆଇସି ସୁବ୍ରତ ପାଣିଗ୍ରାହୀଙ୍କ ନେତୃତ୍ୱରେ ଏହି ଘଟଣାର ତଦନ୍ତରେ ତରଭା ଥାନା ଏସଆଇ ଯଯାତୀ କେଶରୀ ସାହୁ, କାମସାର ଫାଣ୍ଡି ଅଧିକାରୀ ଗଜାନନ ବେହେରା,କନଷ୍ଟେବଲ ନିମାଇଁ ଚରଣ ବାରିକ, ଲିଙ୍ଗରାଜ ପଧାନ ପ୍ରମୁଖ ସାମିଲ ରହିଥିଲେ I