ଆଜି ହେଉଛି ପଶ୍ଚିମ ଓଡ଼ିଶାର ଗଣପର୍ବ ନୂଆଖାଇ I ସମଗ୍ର ପଶ୍ଚିମ ଓଡିଶା ଗହଳ ଚହଳ ଏବଂ ଉତ୍ସବ ମୁଖର I ଯିଏ ଯେତେଦୂରେ ଯେଉଁଠି ରୁହନ୍ତୁନା କାହଁକି, ସପରିବାର ଏକାଠି ହୋଇ ନୂଆଖାଇ ପର୍ବ ପାଳନ କରିଥାନ୍ତି I ସେହିପରି ତରଭା ନୂଆପଡା ବାସିନ୍ଦା ଏକ ବଡ ମେହେର ପରିବାର ସମସ୍ତେ ଏକାଠି ହୋଇ ଆନନ୍ଦ ଉଲ୍ଲାସର ସହ ଏହି ପର୍ବ ପାଳନ କରିଛନ୍ତି I ପରିବାରର ବୟୋଜ୍ୟେଷ୍ଠ ଙ୍କ ହାତରୁ ନୂଆଧାନରେ ପ୍ରସ୍ତୁତ ନବାନ୍ନ ସମସ୍ତେ ଭକ୍ଷଣ କରିଛନ୍ତି I ଛୋଟ ବଡ ଶାଶୁ ବୋହୁ ପିଲାଛୁଆ ସମସ୍ତେ ମିଶି ସବୁ ସଜବାଜ କରିଛନ୍ତି I ଏକାଠି ବସି ସମସ୍ତେ ନୁଆଁ ଖାଇଛନ୍ତି I ନାନା ପ୍ରକାରର ବ୍ୟଞ୍ଜନ ପରଷିଛନ୍ତି ଘରର ମହିଳାମାନେ I ନୂଆଖାଇ ସରିଲା ପରେ ସମସ୍ତେ ପରମ୍ପରା ମୁତାବକ ବଡ଼ମାନଙ୍କ ଠାରୁ ଜୁହାର ଭେଟ କରି ଆଶୀର୍ବାଦ ଗ୍ରହଣ କରିଛନ୍ତି I ନୂଆଖାଇ ପର୍ବ ରେ ସପରିବାର ଏକାଠି ହୋଇ ବେଶ ଖୁସି ଅଛନ୍ତି I
