ତରଭା : ଦୁଇଦିନ ଧରି ହେବାକୁ ଥିବା ସରସ୍ବତୀ ଶିଶୁ ମନ୍ଦିର ତରଭା ର ବାର୍ଷିକ କ୍ରୀଡା ଉତ୍ସବ ଆଜି ଆରମ୍ଭ ହୋଇଯାଇଛି ଆରମ୍ଭ ହୋଇଯାଇଛି I ଏହାକୁ ନେଇ ଉଦଘାଟନ ସଭାରେ ବିଦ୍ୟାଳୟର ସଭାପତି ବିଚିତ୍ର ସାହୁଙ୍କ ସଭାପତିତ୍ୱରେ ଅତିଥିଭାବେ ସୁବର୍ଣ୍ଣପୁର ଜିଲ୍ଲା ଅବସର ପ୍ରାପ୍ତ ଶାରୀରିକ ଶିକ୍ଷା ନିରୀକ୍ଷକ ଦୁର୍ଯ୍ୟୋଧନ ରାଉତ, ବିଦ୍ୟାଳୟର ସମ୍ପାଦକ ଲକ୍ଷ୍ମଣ ରଣା, ପ୍ରଧାନ ଆଚାର୍ଯ୍ୟ ସୁବାଷ ଚନ୍ଦ୍ର ମିଶ୍ର ମଞ୍ଚାସିନ ରହିଥିଲେ I ଅତିଥି ଶ୍ରୀ ରାଉତ ଉପସ୍ଥିତ ଛାତ୍ରଛାତ୍ରୀ ମାନଙ୍କୁ କ୍ରୀଡା କ୍ଷେତ୍ରରେ ବିଶେଷ ଧ୍ୟାନ ଦେବାସହ ବିଦ୍ୟାଳୟ ତଥା ନିଜ ଦେଶର ସୁନାମ ରଖିବା ନେଇ ଉପଦେଶ ଦେଇଥିଲେ I ଖେଳ ସମୟରେ ସମସ୍ତ ନୀତି ନିୟମ ଶାନ୍ତି ଶୃଙ୍ଖଳା ରକ୍ଷା କରିବା ନେଇ କହିଥିଲେ I ପ୍ରଧାନ ଆଚାର୍ଯ୍ୟ ଶ୍ରୀ ମିଶ୍ର ଛାତ୍ରଛାତ୍ରୀ ମାନଙ୍କୁ ଉତ୍ତମ ଖେଳ ପ୍ରଦର୍ଶନ କରିବା ନେଇ ଉତ୍ସାହିତ କରିଥିଲେ I ଛାତ୍ରଛାତ୍ରୀମାନଙ୍କୁ ନେଇ ଶିଶୁ ବଟିକା, ପ୍ରାକ ଶିଶୁ, ଶିଶୁ ବର୍ଗ, ବାଲ ବର୍ଗ, କିଶୋର ବର୍ଗ, ଭଳି ପାଞ୍ଚୋଟି ବିଭାଗ ରେ ବିଭକ୍ତ କରାଯାଇଥିଲା I ଏହି ସମସ୍ତ ବିଭାଗ ଗୁଡିକରେ ଦୌଡ, ସଟ ଫୁଟ, ଡ଼ିସକସ, ଲମ୍ବ ଡିଆଁ, ବେଙ୍ଗ ଡିଆଁ ଆଦି ପ୍ରତିଯୋଗିତାରେ ଅନେକ ଛାତ୍ରଛାତ୍ରୀମାନେ ଅଂଶଗ୍ରହଣ କରିଥିଲେ I ସମସ୍ତ କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଗୁରୁଜୀ ଗୁରୁମା ସହଯୋଗ କରିଥିଲେ I ଆସନ୍ତା କାଲି ଶିଶୁମାନଙ୍କ ସହ ପିତାମାତା ଙ୍କ ପାଇଁ ସ୍ୱତନ୍ତ୍ର ଖେଳ ର ବ୍ୟବସ୍ଥା କରାଯାଇଥିବା ବିଦ୍ୟାଳୟ ପକ୍ଷରୁ କୁହାଯାଇଛି I
