ବୀରମହାରାଜପୁର : ବିଜେଡି କୁ ଲାଗିଛି ଶକ୍ତ ଧକ୍କା, ଦଳ ଛାଡିଲେ ବିଜେଡି ଯୁବନେତା ନାରାୟଣ ଲୁହା । ବୀରମହାରାଜପୁର ବ୍ଲକ ଯୁବ ବିଜେଡି ସଭାପତି ଥିଲେ ନାରାୟାଣ ଲୁହା। ନାରାୟଣଙ୍କ ସହ ତାଙ୍କ ଧର୍ମପତ୍ନୀ ତଥା ବୀରମହାରାଜପୁର ବ୍ଲକ ଅଧ୍ୟକ୍ଷା ଶାନ୍ତି ଲୁହାଙ୍କ ସମେତ ବ୍ଲକ ବହୁ ସରପଂଚ,ସମିତି ସଭ୍ୟ,ପୁର୍ବତନ ସମିତିସଭ୍ୟ ଏବଂ ସରପଂଚ ବିଜେଡି ତଥା ବହୁ କର୍ମକର୍ତା ବିଜେଡିରୁ ସାମୁହିକ ଇସ୍ତାଫା ଦେଇଛନ୍ତି । ଏନେଇ ସେମାନେ ତାଙ୍କ ଇସ୍ତାଫା ପତ୍ର ଦଳର ସଭାପତି ନବୀନ ପଟ୍ଟନାୟକଙ୍କୁ ପଠାଇଥିବା ସୂଚନା ଦେଇଛନ୍ତି । ନାରାୟଣ ଲୁହା ବୀରମହାରାଜପୁର ନିର୍ବାଚନ ମଣ୍ଡଳୀ ପାଇଁ ବିଜେଡି ର ଟିକେଟ ଆଶାୟୀ ଥିଲେ । ତେବେ ବିଜେଡି ପୁଣିଥରେ ଏଠାରେ ବିଧାୟକ ପଦ୍ମନାଭ ବେହେରାଙ୍କୁ ପ୍ରାର୍ଥୀକଲାପରେ ଅସନ୍ତୋଷ ଦେଖାଦେଇଛି। ତେବେ ଆଗକୁ ସେ କେଉଁ ଦଳକୁ ଯିବେ ତାହା ସ୍ପଷ୍ଟ କରିନଥିଲେହେଁ ସମର୍ଥକଙ୍କ ମତାମତନେଇ ପରବର୍ତି କାର୍ଯ୍ୟପନ୍ଥା ସ୍ଥିର କରିବେବୋଲି ପ୍ରତିକ୍ରୀୟା ରଖିଥିଲେ ।
