ସୁବର୍ଣ୍ଣପୁର ସହରରେ ଥିବା ମହାରାଜା ଉଚ୍ଚ ବିଦ୍ୟାଳୟ ପରିସରରେ ଏକ ରକ୍ତ ଦାନ ଶିବିର ଆୟୋଜିତ ହୋଇଯାଇଛି ।ଭାରତୀୟ ସ୍କାଉଟ ଗାଇଡ ଓ ଓଡିଶା ମୋ ପରିବାର ଜୀବନ ବିନ୍ଦୁ ଆନୂକୂଲ୍ୟରେ ଆୟୋଜିତ ଏହି ଶିବିରକୁ ପରିବହନ ମନ୍ତ୍ରୀ ପଦ୍ମନାଭ ବେହେରା ଯୋଗଦେଇ ଶୁଭ ଉଦଘାଟନ କରିଥିଲେ । ଏହି ଶିବିରରେ ଜିଲ୍ଲାପାଳ ଅବୋଲୀ ସୁନିଲ ନରୱଣେଙ୍କ ସମତେ ଜିଲ୍ଲା ଶିକ୍ଷା ବିଭାଗର ଅଧିକାରୀମାନେ ସାମିଲ ରହିଥିଲେ । ମହାମାରୀ କୋରୋନା ସମୟରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ବିଭିନ୍ନ ସମୟରେ ରକ୍ତର ଅଭାବ ଦେଖା ଦେଇଥିବା ବେଳେ ଏହିଭଳି କାର୍ଯ୍ୟକ୍ରମ ଆୟୋଜନରେ ଜନସାଧାରଣଙ୍କ ଜୀବନ ବଞ୍ଚାଯାଇ ପାରୁଛି ବୋଲି ଅତିଥିମାନେ ପ୍ରକାଶ କରିଥିଲେ । ମନ୍ତ୍ରୀ ଶ୍ରୀ ବେହେରା ଜନସାଧାରଣଙ୍କ ସହଯୋଗ ପାଇଁ ଯୁବକମାନେ ଆଗେଇ ଆସିଲେ ଏକ ସୁସ୍ଥ ସମାଜ ଗଠନ କରାଯାଇ ପାରିବ ବୋଲି ମତ ଦେଇଥିଲେ । ଜିଲ୍ଲା ମୁଖ୍ୟ ଚିକିତ୍ସାଳୟ ରକ୍ତ ଭଣ୍ଡାରର ବୈଷୟୀକ କର୍ମଚାରୀମାନେ ସରକାରୀ କର୍ମଚାରୀ ଓ ସ୍ବଛାସେବୀମାନଙ୍କ ପାଖରୁ ରକ୍ତ ସଂଗ୍ରହ କରୁଥିବା ବେଳେ ପ୍ରାୟ 76 ୟୁନିଟ ରକ୍ତ ସଂଗ୍ରହ ହୋଇଥିବା ସୂଚନା ରହିଛି ।
