ସୁବର୍ଣ୍ଣପୁର : ତରଭା ବ୍ଲକ ମେଣ୍ଡା ଗ୍ରାମରେ ଥିବା ମହର୍ଷି ବୁଦ୍ଧରାମ ଡିଗ୍ରୀ ମହାବିଦ୍ୟାଳୟରେ ବିଶିଷ୍ଟ ଐତିହାସିକ, ଲିପିତତ୍ବବିତ ଗବେଷକ ତଥା ମହାବିଦ୍ୟାଳୟର ପ୍ରତିଷ୍ଠାତା ସଭ୍ଯ ସ୍ବର୍ଗତ ଡ ସଦାନନ୍ଦ ଅଗ୍ରଓ୍ବାଲଙ୍କ ଜନ୍ମ ଜୟନ୍ତୀ ଆଜି ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ପୂର୍ବତନ ସରପଞ୍ଚ ହୄଶିକେଷ ପାତ୍ର, ମହାବିଦ୍ୟାଳୟ ର ବରିଷ୍ଠ ସଭ୍ୟ ନାରଦ ପୂଜାହାରୀ, ଶତୄଘ୍ନ ପଣ୍ଡା, ତାଙ୍କ ସୁପୁତ୍ର ସାମ୍ବାଦିକ ସିଦ୍ଧାର୍ଥ ଅଗ୍ରୱାଲ, ଅଧ୍ୟାପକ ବିକାଶ ସାହୁ, ଧିରେନ୍ଦ୍ର ଝାଙ୍କର, ପ୍ରକାଶ ଜେନା, ପ୍ରଶାନ୍ତ ସାହୁ, ଅମିତ ସା, ରିଙ୍କୁ ମହାକୁର ପ୍ରମୁଖ ଉପସ୍ଥିତ ଥିଲେ । ପ୍ରଥମେ ଡ ଅଗ୍ରୱାଲ ଙ୍କ ଫଟୋ ରେ ପୁଷ୍ପମାଲ୍ୟ ଅର୍ପଣ ଏବଂ ଧୁପଦ୍ୱୀପ ପ୍ରଦୀପ ପ୍ରଜ୍ଜ୍ୱଳନ କରାଯାଇଥିଲା । ଉପସ୍ଥିତ ବ୍ୟକ୍ତି ବିଶେଷ ଡ ଅଗ୍ରୱାଲ ଙ୍କ ସ୍ମୃତି ଚାରଣ କରିବା ସହ ମହାବିଦ୍ୟାଳୟ ପାଇଁ ତାଙ୍କର ଅବଦାନ ଉପରେ ନାରଦ ପୂଜାହାରୀ ବକ୍ତବ୍ୟ ରଖିବା ସହ ତାଙ୍କର ପ୍ରତିମୂର୍ତ୍ତି ମହାବିଦ୍ୟାଳୟ ପରିସରରେ ସ୍ଥାପନ ପାଇଁ ପ୍ରସ୍ତାବ ରଖିଥିଲେ । ଧିରେନ୍ଦ୍ର ଝାଙ୍କର ସଭା ପରିଚାଳନା ଓ ଧନ୍ୟବାଦ ଅର୍ପଣ କରିଥିଲେ ।
