ରବିବାର ତରଭା ବ୍ଲକ ସମୁଖରେ ବିଜୁ ଜନତା ଦଳର 25 ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି I ଇତ୍ୟବସରରେ ହୋଇଥିବା କାର୍ଯକ୍ରମରେ ମାନ୍ୟବର ଅର୍ଥ ଓ ଅବକାରୀ ମନ୍ତ୍ରୀ ନିରଞ୍ଜନ ପୂଜାରୀ ଯୋଗଦାନ କରିଥିଲେ I ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟନାଏକଙ୍କ ନେତୃତ୍ୱରେ ଓଡ଼ିଶାରେ ସୁଶାସନ,ମହିଳାମାନଙ୍କୁ ସମାନ, ବିଭିନ୍ନ ଜନ ହିତକାରୀ ଯୋଜନା ଯଥା ଏକ ଟଙ୍କାରେ ଚାଉଳ ବଣ୍ଟନ, ହେଲଥ କାର୍ଡ ବଣ୍ଟନ,ବିଜୁପକ୍କା ଘର ପ୍ରଦାନ ଇତ୍ୟାଦି ଯୋଜନା ବିଷୟରେ ମନ୍ତ୍ରୀ ଶ୍ରୀ ପୂଜାରୀ ନିଜ ଭାଷଣରେ ଉପସ୍ଥିତ ଜନସାଧାରଣ ଙ୍କୁ ଅବଗତ କରାଇଥିଲେ I ଏହି ସଭାରେ ବିଜେପି ଦଳର ମେଣ୍ଡା ଦେଉଳପଦର ମଣ୍ଡଳ ସଭାପତି ସବର ମଲ୍ଲିକ ଏବଂ ଶିବ ପ୍ରସାଦ ବେହେରା, ଧର୍ମ ମେଂଡଲି ବିଜେଡି ଦଳରେ ଯୋଗଦାନ କରିଥିଲେ I ମନ୍ତ୍ରୀ ସ୍ଵହସ୍ତରେ ସେମାନଙ୍କୁ ପୁଷ୍ପମାଲ୍ୟ ଉତ୍ତରୀୟ ଦେଇ ଦଳରେ ସାମିଲ କରିଥିଲେ I ସୁବର୍ଣ୍ଣପୁର ଜିଲ୍ଲା ବିଜେଡି ସଭାପତି ସରୋଜ କମ୍ପଙ୍କ ଅଧ୍ୟକ୍ଷତାରେ ହୋଇଥିବା ଏହି କାର୍ଯକ୍ରମରେ ଅନ୍ୟମାନଙ୍କ ମଧ୍ୟରେ ପୂର୍ବତନ ନଗରପାଳ ଶୈଳେନ୍ଦ୍ର କୁମାର ସାହୁ,ବ୍ଲକ ଅଧ୍ୟକ୍ଷା ସସ୍ମିତା ମଲ୍ଲିକ,ଜିଲ୍ଲା ପରିଷଦ ସଭ୍ୟ ପ୍ରବୀଣ ନାଗ, ପ୍ରଭାତ ପତ୍ର,ଗଗନ ଅଗ୍ରୱାଲ,ସୁବାଷ ସେଠି, ମିତ୍ରବ୍ରତ ମିଶ୍ର,ହେମନ୍ତ ମଝି ,ଅଶ୍ୱିନୀ ବିଶି ମାନଭଞ୍ଜନ ମିଶ୍ର, ରାଜେନ୍ଦ୍ର ଝଙ୍କାର ପ୍ରମୁଖ ଙ୍କ ସମେତ ପ୍ରାୟ ଶତାଧିକ ଦଳୀୟ କର୍ମୀ ଯୋଗଦାନ କରିଥିଲେ I ସଭା କାର୍ଯ୍ୟପରେ ତରଭା ଏଇଏସ କଲେଜ ନିକଟରେ ହେବାକୁଥିବା ଇନଡୋର ଷ୍ଟାଡିୟମର ଭୂମିପୂଜନ ମନ୍ତ୍ରୀ ଶ୍ରୀ ପୁଜାରୀ ଙ୍କ ସ୍ଵହସ୍ତରେ କରାଯାଇଥିଲା I
