କୃଷି ବୀମା କମ୍ପାନୀର ଅନିୟମିତତା କୁ ନେଇ ଆଜି ପଦ୍ମପୁରରେ ଚାଷୀସଙ୍ଗଠନ ଦ୍ୱାରା ବନ୍ଦ ପାଳନ କରାଯାଇଛି । HDFC ARGO କମ୍ପାନୀର ମନମୁଖୀ କାର୍ଯ୍ୟକଳାପ,ବିଳମ୍ବ,ଅନିୟମିତତା ଏବଂ ଫସଲ ବୀମା ଆଇନକୁ ଉଲଂଘନ କରୁଥିବା ପ୍ରତିବାଦରେ ବାଧ୍ୟହୋଇ ଆଜି ସକାଳ 6 ଟା ରୁ ସନ୍ଧ୍ୟା 6 ପର୍ଯ୍ୟନ୍ତ ପଦ୍ମପୁର ସବଡିଭିନର ସମସ୍ତ ଅଫିସ,ରାସ୍ତା,ଗାଡି ମଟର, ଦୋକାନ ବଜାର ବନ୍ଦ କରିବା ପାଇଁ ରାଜବୋଡ଼ାସମ୍ବର କୃଷକ ସଙ୍ଗଠନପକ୍ଷରୁ ଡାକରା ଦିଆଯାଇଛି । ଏହି ଆନ୍ଦୋଳନକୁ ବିଭିନ୍ନ ରାଜନୈତିକ ଦଳ ସମର୍ଥନ ଜଣାଇଛନ୍ତି ଏବଂ ଅନେକ କୃଷକ ସଙ୍ଗଠନ ମାନେ ସକ୍ରିୟ ସହଯୋଗ କରୁଛନ୍ତି I ଉକ୍ତ ସମସ୍ୟାକୁ ଗୁରୁତ୍ୱ ଦେଇ ଏବଂ ଚାଷୀମାନଙ୍କ ସ୍ୱାର୍ଥ କୁ ଦୃଷ୍ଟିରେ ରଖି ସ୍ଥାନୀୟ ଲୋକଙ୍କ ସମର୍ଥନ ରହିଥିବା ଜଣାଯାଇଛି । ଆଜିର ଏହି ବନ୍ଦ ପାଳନ ଯୋଗୁଁ ବିଭିନ୍ନ ସ୍ଥାନରେ ଯାନ ବାହନ ଅଟକି ରହିଥିବା ଦେଖିବାକୁ ମିଳିଥିଲା I
