ତରଭାରେ ଥିବା ଚର୍ଚ୍ଚ ପରିସରରେ ବଡ଼ଦିନ ଧୂମଧାମରେ ପାଳିତ

ତରଭା ବାଇପାସ ରାସ୍ତା ନିକଟରେ ଥିବା ଚର୍ଚ୍ଚ ପରିସରରେ ବଡ଼ଦିନ ଧୂମଧାମ ରେ ପାଳିତ ହୋଇଯାଇଛି I ଏହି ଅବସରରେ ବରିଷ୍ଠ ନାଗରିକ ଶ୍ରୀ ଦେବେନ୍ଦ୍ର ବିଜୟ ସାହୁ, ଏନଏସି ଅଧ୍ୟକ୍ଷା ବନ୍ଦିତା ନାୟକ, ପୂର୍ବତନ ନଗରପାଳ ଶୈଳେନ୍ଦ୍ର କୁମାର ସାହୁ ଅତିଥି ଭାବେ ଯୋଗଦାନ କରିଥିଲେ I ଚର୍ଚ୍ଚ ପକ୍ଷରୁ ରେଭରେଣ୍ଟ ବିଜୟ ପଣ୍ଡା, ରାଜକିଶୋର ସାହୁ, ପାଷ୍ଟର ତାରାଣୀ ପୁଟେଲ , ବିଜୟ କୁମାର ସାହୁ,ବନିତା ସାହୁ ସାମ୍ପଦକ ଆଶିଷ ସାହୁ ପ୍ରମୁଖ ପ୍ରଭୁ ଯୀଶୁଙ୍କ ବାଣୀ ଉପରେ ଆଲୋକପାତ କରିଥିଲେ I ଏହି ଧର୍ମୀୟ କାର୍ଯ୍ୟକ୍ରମରେ ତରଭା ସହରର ବହୁ ଧର୍ମର ବ୍ୟକ୍ତି ବିଶେଷ, ବୁଦ୍ଧିଜୀବୀ, ସଚେତନ ନାଗରିକ, ସାମ୍ବାଦିକ ଗଣ ସାମିଲ ରହିଥିଲେ I ଚର୍ଚ୍ଚ ପକ୍ଷରୁ ଉପସ୍ଥିତ ସମସ୍ତଙ୍କୁ ପୁଷ୍ପ ମାଲ୍ୟା ଏବଂ ଉତ୍ତରୀୟ ଦେଇ ସମ୍ମାନିତ କରାଯାଇଥିଲା I ରେଭରେଣ୍ଟ ବିଜୟ ପଣ୍ଡା ତାଙ୍କ ମୁଖରୁ ପ୍ରଭୁ ଯୀଶୁଙ୍କ ବାଣୀ ଶୁଣାଇବା ବେଳେ ସମସ୍ତଙ୍କ ଧର୍ମ ଅଲଗା ଅଲଗା ହୋଇଥିବା ବେଳେ ଲକ୍ଷ ଏକ ବୋଲି କହିଥିଲେ I ଜାତି ଧର୍ମ ବର୍ଣ୍ଣ ନିର୍ବିଶେଷରେ ସମସ୍ତ ବ୍ୟକ୍ତି ପ୍ରଭୁଙ୍କ ସନ୍ତାନ ବୋଲି ପ୍ରକାଶ କରିଥିଲେ I କାର୍ଯ୍ୟକ୍ରମ ଅନ୍ତିମ ପର୍ଯ୍ୟରେ ବନିତା ସାହୁ ତରଭା ଅଂଚଳ ର ସମସ୍ତଙ୍କ ମଙ୍ଗଳ କାମନା ପାଇଁ ପ୍ରଭୁ ଯୀଶୁଙ୍କ ନିକଟରେ ପ୍ରାର୍ଥନା କରିଥିଲେ I