ଶିମିଳିପାଲରେ ଶିକାରୀ ଗୁଳିରେ ଫରେଷ୍ଟର କର୍ମଚାରୀଙ୍କ ମୃତ୍ୟୁ ଘଟଣା । ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବି ପତ୍ର ଦେଲେ ସୁବର୍ଣ୍ଣପୁର ଜିଲ୍ଲା ଅଣଗେଜେଟେଡ ବନ କର୍ମଚାରୀ ସଂଘ । ଗତ ମାସ ଶିମିଳିପାଲ ଅଭୟାରଣ୍ୟରେ ଶିକାରୀଙ୍କ ଗୁଳିରେ ଜଣେ ବନରକ୍ଷି ଓ ଜଣେ ବନପାଳଙ୍କ ଜୀବନ ଯାଇଥିଲା । ଫଳରେ ବନ କର୍ମଚାରୀଙ୍କ ସୁରକ୍ଷା ବ୍ୟବସ୍ଥା କରିବା ସହ ଦୋଷି ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରି ସରକାରଙ୍କ ଦୃଷ୍ଟି ଗୋଚର କରିଥିଲେ । ତେବେ ଉକ୍ତ ଘଟଣା ପରେ ସେହିଦିନ ଠାରୁ ବଣ୍ୟ ପ୍ରାଣି ସୁରକ୍ଷା ଦାୟିତ୍ୱରୁ ଓହରି ଯାଇଛନ୍ତି ସାରା ରାଜ୍ୟର ବନ କର୍ମଚାରୀ । ଆସନ୍ତା ଜୁଲାଇ ୧୦ ତାରିଖ ସୁଦ୍ଧା ସରକାର ଦାବି ପୁରଣ ନକଲେ ସାମୁହିକ ଛୁଟିରେ ରହିବାକୁ ଚେତାବନି ଦେଇଛନ୍ତି ବନ କର୍ମଚାରୀ । ଆଜି ଏନେଇ ସୁବର୍ଣ୍ଣପୁର ଜିଲ୍ଲାପାଳ ଓ ଜିଲ୍ଲା ବନଖଣ୍ଡ ଅଧିକାରୀଙ୍କ ଜରିଆରେ ମୁଖ୍ୟମନ୍ତ୍ରୀ ଓ ଜଙ୍ଗଲ ପରିବେଶ ମନ୍ତ୍ରୀଙ୍କ ଉଦ୍ଦେଶ୍ୟରେ ଦାବି ପତ୍ର ପ୍ରଦାନ କରିଛନ୍ତି ।
