ସ୍ୱଚ୍ଛତା ମୂଳ ମନ୍ତ୍ର, ଆମ ଗାଁ ର ସ୍ବଚ୍ଛତା ଆମ ଦାୟିତ୍ଵ ପ୍ରତି ଗାଁ ରେ ମାହେଶ୍ଵରୀ ର ସ୍ୱଚ୍ଛତା ସେବା ମୂଳମନ୍ତ୍ର କୁ ନେଇ ଆଜି ତରଭା ବ୍ଲକ ବ୍ରାହ୍ମଣୀ ଗ୍ରାମପଞ୍ଚାୟତ ରୁଗୁଡ଼ିପାଲି ଗ୍ରାମରେ ବଲାଙ୍ଗୀର ମାହେଶ୍ୱରୀ ସଙ୍ଗଠନ ବ୍ରାହ୍ମଣୀ ସଖା ପକ୍ଷରୁ ସ୍ବଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି I ଏହି ପରିପ୍ରେକ୍ଷୀରେ ସଙ୍ଗଠନର ସଦସ୍ୟମାନେ ରୁଗୁଡ଼ିପାଲି ଗ୍ରାମରେ ଥିବା ବିଦ୍ୟାଳୟ ପରିସର, ରାସ୍ତାଘାଟ, ବିଭିନ୍ନ ସ୍ଥାନମାନଙ୍କରେ ପଡିଥିବା ଅଳିଆ ଆବର୍ଜନାକୁ ସଫା କରିଥିଲେ I ସୁରକ୍ଷାକୁ ଦୃଷ୍ଟିରେ ରଖି ସମସ୍ତେ ମାସ୍କ ଗ୍ଲୋବ ଏବଂ ସେନିଟାଇଜ଼ାର ବ୍ୟବହାର କରିଥିଲେ I ଏହି ସଚେତନତା ଧର୍ମି ସଫେଇ କାର୍ଯ୍ୟକ୍ରମରେ ରୁଗୁଡ଼ିପାଲି ସ୍କୁଲର ପ୍ରଧାନ ଶିକ୍ଷକ ଗଣେଶ ନାଗ , ନାଏବ ସରପଞ୍ଚ ଘାସିରାମ ରଣା, ଶ୍ରୀ ପରେଶ ମେହେର, ମାହେଶ୍ଵରୀ ବ୍ରାହ୍ମଣୀ ଶାଖା ସଂଯୋଜକ ରିଙ୍କୁ ମେହେର,ବିକାଶ ସାହୁ, ଫଗନୁ ମେହେର, ବିହାରି ମେହେର, ମାହେଶ୍ୱରୀ ତରଭା ଶାଖା ର ସଦସ୍ୟ ଆୟୁଷ ଅଗ୍ରୱାଲ, ଦିନ ବାଘ ଙ୍କ ସମେତ ବହୁ ଗ୍ରାମବାସୀ ସାମିଲ ରହିଥିଲେ I
