ତରଭା : ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହେଲେ ବାଇକ ଯୋଗେ ଯାଉଥିବା ଦୁଇ ଯୁବକ I ମିଳିଥିବା ସୂଚନା ମୁତାବକ ଆଜି ସନ୍ଧ୍ୟା ପ୍ରାୟ 7 ଘଣ୍ଟା ସମୟରେ ବଡଭଇଁରୋ ଗ୍ରାମର ଶେଷଦେବ ବଗର୍ତ୍ତୀ(35) ଓ ପ୍ରମୋଦ କବାଟ ବାଇକ ଯୋଗେ ଘରକୁ ଫେରୁଥିବା ବେଳେ ସୁବର୍ଣ୍ଣପୁର ବଲାଙ୍ଗୀର ଜାତୀୟ ରାଜପଥ ଘାଟକାଇଁତରା ସୁକତେଲ ନଦୀ ପୋଲ ନିକଟରେ ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲେ I ତେବେ ଗୁରୁତର ଆହତ ଅବସ୍ଥାରେ ସେମାନଙ୍କୁ ଅଗ୍ନିଶମ ବିଭାଗ ସାହାଯ୍ୟରେ ତରଭା ଡାକ୍ତରଖାନାକୁ ଅଣାଯାଇଥିଲା I ଶେଷଦେବ ବଗର୍ତ୍ତୀ ମୁହଁରେ କ୍ଷତବିକ୍ଷତ ଚିହ୍ନ ରହିଥିବା ବେଳେ ପ୍ରମୋଦଙ୍କର ମୁଣ୍ଡରେ ଆଘାତ ଲାଗିଥିବା ଦେଖିବାକୁ ମିଳିଛି I ତେବେ ଡାକ୍ତର ପ୍ରାଥମିକ ଚିକିତ୍ସା କଲାପରେ ସେମାନଙ୍କୁ ନିକଟସ୍ଥ ବଲାଙ୍ଗୀର ମୁଖ୍ୟ ଚିକିତ୍ସାଲୟ କୁ ସ୍ଥାନାନ୍ତରିତ କରାଯାଇଥିବା ଜଣାଯାଇଛି I
